საპარლამენტო უმრავლესობის წარმომადგენლების მხრიდან პრეზიდენტის მისამართით გაკეთებულ განცხადებებს „ევროპული საქართველოს“ ერთ-ერთი წევრი გიორგი კანდელაკი ეხმაურება. კანდელაკი მიიჩნევს, რომ უმრავლესობის დეპუტატებს მორალური უფლება არ აქვთ დაადანაშაულონ პრეზიდენტი იმაში, რომ იგი ქვეყნის უსაფრთხოების ძირის გამოთხრას ცდილობს:

„იმ პოლიტიკურ ძალას, რომელიც ღიად თანამშრომლობს ოკუპანტ სახელმწიფოსთან, იმ პოლიტიკურ ძალას, რომლისთვისაც მთავარი არის საკუთარი კეთილდღეობა და არა ქვეყნის ინტერესები, საუბარი იმაზე, რომ მეტი კონტროლის მოთხოვნით პრეზიდენტი ან ვინმე ცდილობს ქვეყნის უსაფრთხოების ძირის გამოთხრას, ამ პოლიტიკურ ძალას ქვეყნის უსაფრთხოებაზე საერთოდ საუბრის მორალური უფლება არ გააჩნია,“ - განაცხადა გიორგი კანდელაკმა.