ე.წ. მოსმენების კანონი - საქართველოს უმაღლესმა საკანონმდებლო ორგანომ გუშინ პლენარულ სხდომაზე პრეზიდენტის ვეტო დასძლია. აღნიშნულს გამოეხმაურა პარლამენტის ადამიანის უფლლებათა დაცვის კომიტეტის თავმჯდომარე ეკა ბესელია. მან კიდევ ერთხელ ისაუბრა პრეზიდენტის ადმინისტრაციის განცხადებებზე პარლამენტის მიმართ და მას ტონი დაუწუნა.

საპარლამენტო ოპოზიციის წარმომადგენლები, მმართველი პარტიის მხრიდან პრეზიდენტის ინსტიტუტის უპატივცემულობაზე საუბრობენ:

„ეს გაუთავებელი შეტევა პრეზიდენტზე და პრეზიდენტის ინსტიტუტზე, აიხსნება ორი რამით, ერთი პოლიტიკურით და მეორე, ფსიქოანალიზით უნდა გავარკვიოთ რა პირადი მტრობა აქვს ივანიშვილის მიმართ ვიღაცებს ქართულ ოცნებაში. სხვანაირად წარმოუდგენელია, ასე ასუსტბდნენ სახელმწიფო ინსტიტუტს, რომელიც დღეს არის ბალანსი სახელმწიფო შტოებს შორის და რომლის დამოუკიდებლობისა და უფლებების შეზღუდვით, ბოლო, პატარა შემორჩენილი კუნძული ნადგურდება დამოუკიდებელი სახელმწიფო ინსტიტუტებისა, ეს არის ანტისახელმწიფოებრივი ქმედება“, - განაცხადა ენმ-ს წევრმა რომან გოცირიძემ.