ე.წ. მოსმენების კანონი - საქართველოს უმაღლესმა საკანონმდებლო ორგანომ გუშინ პლენარულ სხდომაზე პრეზიდენტის ვეტო დასძლია. აღნიშნულს გამოეხმაურა პარლამენტის ადამიანის უფლლებათა დაცვის კომიტეტის თავმჯდომარე ეკა ბესელია.

მან კიდევ ერთხელ ისაუბრა პრეზიდენტის ადმინისტრაციის განცხადებებზე პარლამენტის მიმართ და მას ტონი დაუწუნა:

„ეს სამი ვეტო და ეს ფორმა ურთიერთობის პარლამენტთან, როდესაც პირდაპირ ეუბნები რა უნდა ჩაწეროს პარლამენტმა კანონში, ეს ნორმალური პოლიტიკური პროცესია? ჩვენ, პარლამენტარებს უნდა დაგვიწეროს პრეზიდენტმა კანონი? ან რატომ უნდა გვითხრას პრეზიდენტმა, რომ ერთ თვეში უნდა დავწეროთ და არა მაგალითად სამ თვეში, ან რატომ გვეუბნება დღეს ერთს და ხვალ მეორეს? ეს კითხვები დავსვი გუშინ მის წარმომადგენელთან და ვერცერთ კითხვაზე მან პასუხი ვერ ან არ გასცა. ჩემთვის მიუღებელია, როგორც მესამე მოწვევის პარლამენტის წევრისთვის ასეთ ტონალობაში საუბარი, როდესაც მისი სამსახურის ხელმძღვანელები, ვინც არ უნდა იყოს ეს ადმინისტრაციის უფროსი, მოადგილე, მრჩეველი თუ საპარლამენტო მდივანი, შეიძლება პარლამენტს ამ ტონალობაში ელაპარაკო? შენ რომ მიღებულ კანონს ცვლი, პოლიტიკურად პასუხი აგე დეპუტატო?!“, - განაცხადა ეკა ბესელიამ.