დღეს, ბრიუსელში, ევროპარლამენტში, ევრონესტის საპარლამენტო ასამბლეის პოლიტიკური და სოციალური კომიტეტების გაერთიანებული სხდომა გაიმართება,სადაც თამარ ხულორდავას ხელმძღვანელობით, საქართველოს პარლამენტის მუდმივმოქმედი დელეგაცია მიიღებს მონაწილეობას.

კომიტეტების გაერთიანებულ სხდომაზე, ევროკავშირსა და აღმოსავლეთ ევროპულ ქვეყნებში მედიის თავისუფლებისა და შრომის ბაზარზე ქალებისმდგომარეობის შესახებ იმსჯელებენ.

ამასთანავე, ევრონესტის საპარლამენტო ასამბლეა, ევროკავშირის საგარეო საქმეთა სამსახურის წარმომადგენლებთან ერთად, აღმოსავლეთ პარტნიორობის მომავალისამიტის მომზადების საკითხებზე იმსჯელებს და აღმოსავლეთ პარტნიორების მოლოდინებს განიხილავს.

ღონისძიებაში ევროპარლამენტის, მოლდოვის, უკრაინის, სომხეთის და აზერბაიჯანის საპარლამენტო დელეგაციებთან ერთად, საქართველოს პარლამენტისმუდმივმოქმედი დელეგაცია მიიღებს მონაწილეობას.

ევროპარლამენტი, ფონდ „ღია საზოგადოებასთან" და ევროპული პოლიტიკის ინსტიტუტთან თანამშრომლობით, უმასპინძლებს კონფერენციასთემაზე: „აღმოსავლეთ პარტნიორობის განხორციელება და ასოცირების ვალდებულებები ანტიდისკრიმინაციული პოლიტიკის, მართლმსაჯულებისა დაკორუფციასთან ბრძოლის სფეროში“.

კონფერენციაში პარლამენტის წევრებთან ერთად, აღმოსავლეთ პარტნიორობის ქვეყნებიდან არასამთავრობო სექტორის წარმომადგენლები მიიღებენ მონაწილეობას.

მიმდინარე წელს, ევრონესტის საპარლამენტო ასამბლეის საქმიანობა, აღმოსავლეთ პარტნიორობის პრიორიტეტების გათვალისწინებით და პარტნიორების შეთანხმებისსაფუძველზე, სხვადასხვა მნიშვნელოვან თემას უკავშირდება.