კანცელარიაში მთავრობის სხდომა მიმდინარეობს. სხდომის დაწყებისას საქართველოს პრემიერ-მინისტრმა განცხადება გააკეთა უვიზო რეჟიმის მიმოსვლის ამოქმედებასთან დაკავშირებით.

პრემიერ მინისტრის განცხადებით იგეგმება ერთიანი სამთავრობო ქალაქის მშენებლობა. გიორგი კვირიკაშვილის თქმით, სამთავრობო ქალაქი თბილისში, ორთაჭალის მიმდებარე ტერიტორიაზე აშენდება, სადაც მოქალაქეებისთვის გაცილებით მარტივი იქნება სხვადასხვა მომსახურებების მიღება.

პრემიერ-მინისტრმა ასევე ისაუბრა რამდენიმე ფაქტთან დაკავშრებით, რომელიც უკავშირდება სახელმწიფო ტენდერებით გათვალისწინებული პროექტების განხორციელებისას, მოქალაქეებისთვის ხელფასების დაგვიანების საკითხს. კვირიკაშვილმა განაცხადა, რომ მსგავსი ფატების დაფიქსირების შემთხვევაში, სამართალდამცავებს შესაბამისი რეაგირება მოუწევთ.

„მინდა გთხოვოთ, რომ ყველა მუნიციპალიტეტში განხორციელდეს კონტროლი ამ თვალსაზრისით, თუ სადმე არის ასეთი პრაქტიკა, რეაგირება იყოს უმკაცრესი, სახელმწიფო ფულით კომპანია ახორციელებდეს პროექტს და სამი თვის განმავლობაში ხელფასს არ უხდიდეს თანამშრომლებს, ეს არის აბსოლუტურად გაუგონარი უპასუხისმგებლობა და თუ სადმე ასეთი პრეცენდენტები დაფიქსირდება, იყოს უმკაცრესი რეაგირება, როგორც ამ კომპანიების შავ სიაში შეყვანასთან დაკავშირებით, ასევე, მინდა სამართალდამცავებსაც ვთხოვო, რომ რეაგირება იყოს უმკაცრესი ამ მიმართულებით. მუნიციპალიტეტის ხელმძღვანელებს, გამგებლებს, რომლებიც ახორციელებენ ამ პროექტებს, დაეკისრებათ უმკაცრესი პასუხისმგებლობა თუ ასეთი პრეცენდენტები მათ რაიონში დაფიქსირდება. მსურს გავაფრთხილო ძალიან მკაცრად ყველა“, - განაცხადა გიორგი კვირიკაშვილმა.