ნარკოტიკებისა და იარაღის ჩადების პრაქტიკაზე კომენტარს აკეთებენ უმრავლესობის წევრები და ისინი აღნიშნულს გამორიცხავენ. პარლამენტის იურიდიულ საკითხთა კომიტეტის თავმჯდომარე, ეკა ბესელია ფიქრობს, რომ ნებისმიერ მოქალაქეს ყველა ერთნაირი გულისხმიერებით უნდა ეკიდებოდეს.

„რა მნიშვნელობა აქვს, პრეზიდენტის შვილია, თუ თქვენი შვილია, თუ ჩემი შვილია. მოქალაქეა ამ ქვეყნის და ნებისმიერი მოქალაქის განცხადებას უნდა ვეკიდებოდეთ ერთნაირი გულისხმიერებით და თქვენ იმიტომ უთმობთ ეთერს, რომ პრეზიდენტის შვილია? ჩვენთვის ყველა მოქალაქე კანონის წინაშე არის თანაბარი. ამისთვის არსებობს შესაბამისი სტრუქტურები, რომლებიც კონკრეტულ სამართლებრივ საკითხებზე თავად გასცემენ პასუხს,“ - განაცხადა ეკა ბესელიამ.