ნარკოტიკებისა და იარაღის ჩადების პრაქტიკაზე კომენტარს აკეთებენ უმრავლესობის წევრები და ისინი აღნიშნულს გამორიცხავენ. საქართველოს პარლამენტის თავმჯდომარის მოადგილე გია ვოლსკი აცხადებს, რომ ჩადების ნარკოპოლიტიკა ახლა ხელისუფლების მხრიდან, „ბავშვური და არარაციონალური“ იქნებოდა.

„პოლიტიკური ნება რომ ჰქონდეს ხელისუფლებას, ძალიან სულელური სტრატეგია იქნებოდა ის, რომ ადამიანი, რომელიც გებრძვის მთელი ძალებით, ყველანაირი მეთოდებით, კიდევ უფრო მეტი შანსი და რესურსი მისცე იმისათვის, რომ ეს ბრძოლა ინტენსიურად გააგრძელოს,“ - განაცხადა გია ვოლსკიმ.