"უმრავლესობის დეპუტატები ხშირად ისეთ სიტყვებს იყენებენ დებატებში, რომლის მნიშვნელობაც არ იციან"

"უმრავლესობის დეპუტატები ხშირად ისეთ სიტყვებს იყენებენ დებატებში, რომლის მნიშვნელობაც არ იციან" - ბოკუჩავა

პოლიტიკა - 14:59, 22 Mar, 2017

2444

„ერთიანი ნაციონალური მოძრაობის“ დეპუტატმა თინა ბოკუჩავამ საპარლამენტო უმრავლესობას მიმართა და აღნიშნა, რომ დეპუტატები ხშირად ისეთ სიტყვებს იყენებენ რომლის მნიშვნელობა არ იციან.

"უმრავლესობის დეპუტატები ისეთ სიტყვებს იყენებენ, რომლის მნიშვნელობაც, როგორც წესი, არ იციან. დღევანდელმა დღემაც გვაჩვენა ეს. ასევე, გვახსოვს ქართული ოცნების დეპუტატი, რომელსაც იბიარდი სალანძღავი სიტყვა ეგონა; მინისტრი, რომელმაც უპრიანის განმარტება არ იცოდა და საერთოდ თალიბანი პიროვნება ეგონა.

ამ პარლამენტის მთავარი პრობელემა ბიძინა ივანიშვილის სრული მორჩილებაა. დღეს ეს პარლამენტი გადალახავს პრეზიდენტის ვეტოს და მიიღებს ე.წ. მოსმენების შესახებ ისეთ კანონს, რომელსაც პრეზიდენტთან ერთად სახალხო დამცველი, სრული ოპოზიციური სპექტრი და არასამთავრობო ორგანიზაციები ეწინააღმდეგებიან, რადგან ის ადამიანის ფუნდამენტურ უფლელებებსა და თავისუფლებებს ეწინააღმდეგება. არ ასრულებს საკონსტიტუციო სასამართლოს დაკვეთას და ეწინააღმდეგება საერთაშორისო სამართლის საყოველთაოდ აღიარებულ ნორმებს.

თქვენ კოლეგები უმრავლესობიდან, ნაცვლად იმისა რომ ჩვენი მოქალაქეების უფლელებს იცავდეთ, ბრმად იცავთ ბიძინას ინტერესებს. უფლებას აძლევთ ნებისმიერ ჩვენგანს, თქვენგანს მოუსმინოს ყოველგვარი მოტივაციის გარეშე. უკანონო მოსმენები და თვალთვალი არის ბიძინა ივანიშვილისთვის ჩვეულებრივი პოლიტიკური ბრძოლის იარაღი. ასეთი ხერხით მოვიდა და ასევე აპირებს შეინარჩუნოს ხელისუფლება. მინდა მივმართო მას, ქვეყანაში ყოველთვის გამოჩნდებიან ისეთი ადამიანები, რომელთაც არ ეშინიათ თქვენი ბინძური მეთოდების, შანტაჟისა და მოსმენის. ჩვენ ყველაფრის ფასად ვიბრძოლებთ ჩვენი ქვეყნის და ჩვენი შვილების უკეთესი მომავლისთვის."- განაცხადა ბოკუჩავამ.