ორთაჭალაში, შინაგან საქმეთა სამინისტროს შენობასთან აქცია მიმდინარეობს ლოზუნგით „არა ჩადებას“ .

აქციის მონაწილეები, ნარკოტიკული საშუალებების ჩადებით მოქალაქეების დაკავების პოლიტიკას აპროტესტებენ. შინაგან საქმეთა სამინისტროსთან იმყოფება პრეზიდენტის ქალიშვილი ანა მარგველაშვილიც, რომელიც მისი მეგობრის დაკავებას აპროტესტებს.

აქციის მონაწილეთა შორისაა ასევე ელისო კილაძე, რომლის ვაჟიც რამდენიმე დღის წინ სამართალდამცავებმა ნარკოტიკული ნივთიერების უკანონო შეძენა-შენახვის ბრალდებით დააკავეს.