ქვეყნის ნარკოპოლიტიკისა და ხელისუფლების მისამართით გაჟღერებული ბრალდებების შესახებ კომენტარები გაკეთდა პარლამენტში. „ნაციონალური მოძრაობის“ ლიდერის ნიკა მელიას განცხადებით, შინაგან საქმეთა სამინისტრომ იარაღისა და ნარკოტიკის ჩადების კამპანია დაიწყო:

„პრეზიდენტის ოჯახის წევრები საუბრობენ იარაღისა და ნარკოტიკის მოსალოდნელ ჩადებაზე, მაშინ, როდესაც პრეზიდენტის ოჯახის მეგობარი არის დაკავებული დანაშაულებრივად, ბუნებრივია, რომ ეს არის საგანგაშო და ყველამ, განურჩევლად გემოვნებისა, „ქართული ოცნების“ დეპუტატი იქნება, „ნაციონალური მოძრაობის“ დეპუტატი იქნება თუ რომელიმე სხვა პარტიის დეპუტატი, ყველა ერთხმად უნდა იღებდეს ხმას, შეინიშნება შინაგან საქმეთა სამინისტროს მხრიდან კამპანია და ამ კამპანიას ჰქვია იარაღისა და ნარკოტიკის ჩადება და არა ერთი დამამტკიცებელი ფაქტი, აუდიო-ვიდეო ჩანაწერი არსებობს“, - განაცხადა ნიკა მელიამ.