რუსთავი 2-ის საქმის განმხილველი დიდი პალატის მოსამართლეების დაკომპლექტებასთან დაკავშირებით კითხვებს საპარლამენტო უმრავლესობის შეფასებით უზენაესმა სასამართლომ უნდა გასცეს პასუხი. მმართველი პარტიის წევრები მიიჩნევენ, რომ აღნიშნული უშუალოდ ამ ინსტანციის კომპეტენციაა. მათი შეფასებით, ოპოზიცია ამ საკითხის პოლიტიზირებას ცდილობს.

„კითხვის ნიშნები მიჩნდება პოლიტიზირებასთან დაკავშირებით, პოლიტიკასთან დაკავშირებით, რომელსაც ესა თუ ის ჯგუფი ცდილობს თავის სასარგებლოდ გამოიყენოს. უპირველეს ყოვლისა ნაციონალური მოძრაობა და მისი მხარდამჭერი ნეონაციონალური მოძრაობა. აქედან გამომდინარე ყველა კითხვა ეხება ეს ფურცლებს, ეხება ეს მესაკუთრეს თუ ნებისმიერი სხვა გარემოებები უნდა იყოს განხილული კომპეტენტური ორგანოს მხრიდან,“-განაცხადა გია ვოლსკიმ.