"კიდევ უფრო გაგვიღრმავდა ეჭვები ამ დოკუმენტთან დაკავშირებით"- რა თარიღები შეცვალა უზენაესმა სასამართლომ

პოლიტიკა - 18:18, 21 Mar, 2017

2521

„რუსთავი2“-ის საქმეზე უზენაესი სასამართლოს მიერ გადაწყვეტილების გამოტანის პროცესთან დაკავშირებით ტელეკომპანიის ადვოკატებს კითხვები აქვთ. მათი თქმით იმის გამო რომ საზოგადოებისთვისაც და სტრასბურგის სასამართლოსთვისაც ეჩვენებინათ, რომ გადაწყვეტილების მიღება 3 დღის განმავლობაში კი არა, რამდენიმეთვიანი მუშაობის შემდეგ მოხდა, უზენაესმა სასამართლომ დოკუმენტაციას თარიღები შეუცვალა. ადვოკატი დიმიტრი საძაგლიშვილის განცხადებით უზენაესი სასამართლოს მიერ რუსთავი2-ის საქმეზე უზენაესი სასამართლოს დიდი პალატის დაკომპლექტების თარიღი შეიცვალა და ცვლილება უკანა რიცხვით შევიდა:

„მოსამართლეები უხერხული მდგომარეობიდან გამოსვლას შეეცადნენ იმ განცხადებით, რომ თითქოსდა, ისინი მუშაობდნენ რამდენიმე თვე უკვე და არა 3 დღე. სწორედ ამიტომ გახდა საჭირო ძველი თარიღით დოკუმენტის ჩადება საქმის მასალებში და გამოთხოვილი დოკუმენტაციიდან გარკვეულწილად კიდევ უფრო გაგვიღრმავდა ეჭვები ამ დოკუმენტის თარიღთან დაკავშირებით,“ - განაცხადა დიმიტრი საძაგლიშვილმა.

6 მარტს უზენაესი სასამართლოს ვებგვერდზე გაჩნდა ინფორმაცია, სადაც წერია, რომ უზენაესმა სასამართლომ 1 დეკემბერს დააკომპლექტა დიდი პალატის 9-კაციანი შემადგენლობა, თუმცა რუსთავი2-თვის მათი ვინაობა 3 თვის განმავლობაში უცნობი იყო.