"ნაზღაიძისთვის ქონების გადაცემა შესაძლოა დანაშაულის ნიშნებს შეიცავდეს"

"ნაზღაიძისთვის ქონების გადაცემა შესაძლოა დანაშაულის ნიშნებს შეიცავდეს" - ოპოზიცია გამოძიებას ითხოვს

პოლიტიკა - 10:42, 21 Mar, 2017

1395

ოპოზიცია პროკურატურისგან ნაზღაიძის საქმესთან დაკავშირებით გამოძიების დაწყებას ითხოვს.

„წარმოადგენს დედაქალაქის მერიის აუდიტის სამსახური დასკვნას და ჩვენ ამ დასკვნის საფუძველზე მივმართავთ უკვე სახელმწიფო აუდიტის სამსახურს და ვაპირებთ, ყველა სახელმწიფო ინსტანციაში, ყველა სამსახურს მივმართოთ, რომ აღნიშნული ფაქტი არ დარჩეს გამოუკვლეველი და დაუსჯელი. ცინიკურია, როდესაც ბატონი სამუშია საიას წარმომადგენლების კვლევას აფასებს, როგორც არასრულს. ჩვენ აბსოლუტურად ვენდობით ამ დასკვნას და ვფიქრობთ, რომ უკვე შემდეგი ნაბიჯი უნდა გადადგას პროკურატურამ,“ - განაცხადა საკრებულოში ფრაქცია თბილისის წევრმა თამაზ შოშიაშვილმა.

საიას კვლევას ენდობა ნაციონალური მოძრაობაც.

„მათ ქონდათ ერთადერთი არგუმენტი საპირისპიროდ, რომ თითქოს და მისი მფლობელი რეალურად იყო ბატონი ნაზღაიძე, თუმცა ეს არის ტყუილი და მეორე, თითქოს არსებობდა რაღაც მემორანდუმი, რომლის მიხედვითაც აღნიშნული ქონება ძვირდებოდა. ესეც არის დიდი სიცრუე,“ - აცხადებსსაკრებულოში ფრაქცია ენმ-ის თავმჯდომარე ირაკლი ნადირაძე.

ახალგაზრდა იურისტთა ასოციაციაში ვარაუდობენ, რომ მოსამართლე ნაზღაიძის ოჯახისთვის ქონების გადაცემა მუნიციპალიტეტის შესაბამისი საჯარო მოხელეების მხრიდან შესაძლოა დანაშაულის ნიშნებს შეიცავდეს, ამის დასამტკიცებლად საია-ს რამდენიმე საკითხი მოჰყავს, პირველი არის ის რომ საიას-ს უსაფუძვლოდ მიაჩნია მერიის არგუმენტი იმასთან დაკავშირებით რომ ნაზღაიძე 13 ივნისის სტიქიით დაზარალებულია, იმიტომ რომ იმ დროისთვის ქონების მფლობელი არა ზვიად ნაზღაიძე არამედ საქართველოს ბანკი.