დღეს გახდება ცნობილი საპარლამენტო უმცირესობის მიერ შემუშავებული ანტირუსული რეზოლუციის ტექსტი. „ევროპული საქართველო“ შემუშავებულ დოკუმენტს ყველა ფრაქციას გადაუგზავნის.

რეზოლუციის ტექსტში რუსული აგრესიის მიმართ საქართველოს პოზიცია მკაცრად არის გამოხატული. დოკუმენტში ნათქვამია, რომ რუსეთისთვის დაწესებული სანქციები საკმარისი არ არის და საუბარია საერთაშორისო საზოგადოების მხრიდან დამატებით სადამსჯელო მექანიზმების შემოღებაზე.