ე.წ მოსმენების კანონზე პრეზიდენტის მიერ ვეტოს უფლების გამოყენებას ერთიანი ნაციონალური მოძრაობის წევრი ზაზა ბიბილაშვილი გამოეხმაურა, მისი თქმით საპარლამენტო უმრავლესობამ საზოგადოებას დასცინა, რადგან ერთხელ უკვე ვეტოდადებული და საკონსტიტუციო სასამართლოს მიერ არაკონსტიტუციურად მიჩნეული კანონის ანალოგიური კანონი მიიღო:

„საკონსტიტუციო სასამართლომ ერთხელ უკვე დაადგინა, რომ მსგავსი კანონი ეწინააღმდეგებოდა კონსტიტუციას. ახლა რასაც აკეთებს უმრავლესობა და რაც ფაქტობრივად უკვე გააკეთა, რადგან ისინი პრაქტიკულად პრეზიდენტის ვეტოს დაძლევენ, ნიშნავს იმას, რომ ქათულმა ოცნებამ საკონსტიტუციო სასამართლოს გადაწყვეტილება არაფრად ჩააგდო და საზოგადოებას კიდევ ერთხელ დასცინეს იმით, რომ ანალოგიური კანონი მიიღეს და თქვეს, რომ თითქოს გათვალისწინებულ იქნა ის, რაც დაგვავალა საკონსტიტუციო სასამართლომ,“ - განაცხადა ზაზა ბიბილაშილმა.