ნაზღაიძისთვის ქონების გადაცემა შესაძლოა დანაშაულის ნიშნებს შეიცავდეს

ნაზღაიძისთვის ქონების გადაცემა შესაძლოა დანაშაულის ნიშნებს შეიცავდეს - საია

პოლიტიკა - 12:23, 20 Mar, 2017

1143

ახალგაზრდა იურისტთა ასოციაციაში ვარაუდობენ, რომ მოსამართლე ნაზღაიძის ოჯახისთვის ქონების გადაცემა მუნიციპალიტეტის შესაბამისი საჯარო მოხელეების მხრიდან შესაძლოა დანაშაულის ნიშნებს შეიცავდეს, ამის დასამტკიცებლად საია-ს რამდენიმე საკითხი მოჰყავს, პირველი არის ის რომ საიას-ს უსაფუძვლოდ მიაჩნია მერიის არგუმენტი იმასთან დაკავშირებით რომ ნაზღაიძე 13 ივნისის სტიქიით დაზარალებულია, იმიტომ რომ იმ დროისთვის ქონების მფლობელი არა ზვიად ნაზღაიძე არამედ საქართველოს ბანკი. ამ საკითხზე ჩატარებული კვლევის ანგარიში საიას წარმომადგენლებმა საკრებულოს ოპოზიციას გააცნეს.

„ამ ეტაპზე უკვე არის დასაბუთებული ის ეჭვები, რომელიც საკმარისია იმისთვის, რომ საგამოძიებო ორგანოები დაინტერესდნენ ამ საქმით და შეისწავლონ კონკრეტული საჯარო მოხელეების მხრიდან ხომ არ ჰქონდა ადგილი დანაშაულს. რატომ მოექცა თბილისის მუნიციპალიტეტი ასე განსხვავებულად კონკრეტულ მოქალაქეს და კანონის დადგენილი წესის აცდენით, მაშინ როდესაც ის არც კი შეიძლება სარგებლობდეს 13 ივნისს დაზარალებულის სტატუსით. ბუნებრივია ის კითხვები, რომლებიც ამ საქმეში ჩნდება, იმსახურებს შესწავლას და პასუხის გაცემას, როდესაც ამ საქმეს აქვს კონკრეტული კონტექსტი და ეს მოქალაქე არის ერთ-ერთ ყველაზე უფრო რეზონანსული საქმის განმხილველი მოსამართლის ოჯახის წევრი,“-განაცხადა ანა ნაცვლიშვილმა.