ანა მარგველაშვილი მისი მეგობრის დაპატიმრებას პრეზიდენტის მიერ გაკეთებულ განცხადებას უკავშირებს

პოლიტიკა - 20:57, 18 Mar, 2017

5169

პრეზიდენტის შვილი ანა მარგველაშვილი მისი მეგობრის ნარკოტიკული დანაშაულის გამო დაკავებას გიორგი მარგველაშვილის მიერ გაკეთებულ განცხადებას იმ განცხადებას უკავშირებს, სადაც პრეზიდენტმა მისი ოჯახის წევრებზე განხორციელებილ ზეწოლაზე ისაუბრა.

ამის შესახებ ანა მარგველაშვილმა განცხადება სურამში გააკეთა, სადაც ორი დღის წინ მისი მეგობარი დააკავეს. დაკავებულიც და თანმხლები პირებიც ამტკიცებენ, რომ მიხეილ თათარიშვილს სამართალდამცავებმა ნარკოტიკი ჩაუდეს.

„ბოლო 3 კვირის განმავლობაში მქონდა მასთან ყოველდღიური კომუნიკაცია და სულ მეუბნებოდა და ეშინოდა, რომ აპირებდნენ მისთვის ასეთი რაღაცის გაკეთებას, მაგრამ უფრო ეგონა რომ იარაღს ჩაუდებდნენ, რადგან ნარკოტიკთან არასოდეს შეხება არ ქონია, ამიტომ ვერც წარმოვიდგენდით ასეთ რაღაცას. აპირებენ რომ იგივე გაუკეთონ ჩემს მეგობარ თორნიკე კაჭარავასაც, რომელსაც ასევე მოსდის იგივე ხმები და ეშინია სახლიდან გამოსვლა. ამიტომ უნდა ვუშველოთ რაიმე ამ ახალგაზრდებს. ჩვენ ვუკავშირებთ საქართველოს პრეზიდენტის განცხადებას იმასთან დაკავშირებით, რომ რეპრესიები არის მის ოჯახზე, რადგან ჩემი სიძის ახლობელი იყო იგივენაირი სცენარი განმეორდა ახლაც. არ ვიცი როდის დამთავრდება ეს ყველაფერი.“- განაცხადა ანა მარგველაშვილმა.

განცხადების გაკეთებამდე რამდენიმე საათით ადრე ანა მარგველაშვილმა ვიდეოც გამოაქვეყნა, რომელშიც დაკავებული მიხეილ თათრიშვილი და მინდია გოგოჭური ჩანან. ვიდეო დაკავებამდე ორი დღით ადრეა გადაღებული. კადრებით ირკვევა, რომ ახალგაზრდა მამაკაცები ინფორმირებული იყვნენ შესაძლო დაკავების შესახებ.