"ცამდე მართლები ვართ და საკრებულოშიც მივალთ"- ნარმანია ოპოზიციის კრიტიკას პასუხობს

პოლიტიკა - 15:43, 18 Mar, 2017

1619

ოპოზიციის მოთხოვნას, დედაქალაქის მერის საკრებულოში მისვლასთან დაკავშირებით დავით ნარმანიამ უპასუხა, თბილისის მერის თქმით ის საკრებულოს ოპოზიციას შოუების მოწყობაში ხელს არ შეუწყობს რაგდან კანონი არ დაურღვევია, ანგარიშით კი საკრებულოში აპრილის თვეში წარსდგება:

„მე არ უგულვებელვყოფ საკრებულოს. საკრებულოსადმი ჩემი განსაკუთრებული პატივისცემა არაერთხელ გამომიხატავს. მივსულვარ საკრებულოში წლიური ანგარიშითაც, მივსულვარ ორჯერ რიგგარეშედაც გასულ წელს. ასე რომ, წელსაც, აპრილში, აუცილებლად ვაპირებ წარვსდგე საკრებულოში ანგარიშით. ამის პრობლემას ვერ ვხედავ. უბრალოდ, უმცირესობას სხვა რამ ამოძრავებს და ამ სხვა რამის რეალიზაციაში მე მათ ხელი არ შევუწყე. მათი გეგმები შოუს მოწყობასთან დაკავშირებით არის ჩაშლილი. რა გზას მიმართონ და რა ხერხებს მიმართონ, უკვე აღარ იციან. სთხოვეს საერთაშორისო ორ ორგანიზაციას, მათ ჩვენც მივაწოდეთ ინფორმაცია და მივაწვდით კიდეც, თუ ვინმეს რამე დააინტერესებს. ასე რომ, ცამდე მართლები ვართ და საკრებულოშიც მივალთ,“ - განაცხადა დავით ნარმანიამ.

შეგახსენებთ, თბილისის საკრებულოს ოპოზიცია კორუფციულ გარიგებაზე საუბრობს და „რ2“-ის საქმის მოსამართლე ნაზღაიძის ოჯახისთვის 1 მილიონი ლარის ქონების გადაცემას კანონდარღვევად აფასებს.