"ბერა ივანიშვილის გამო, შს მინისტრმა 9 პოლიციელი გაათავისუფლა"- ნუგზარ წიკლაური

პოლიტიკა - 13:07, 18 Mar, 2017

17022

ერთიანი ნაციონალური მოძრაობის წევრის ნუგზარ წიკლაურის თქმით, სახელმწიფოს ინსტიტუტების საქმიანობაში არა მხოლოდ არაფორმალური მმართველი ბიძინა ივანიშვილი ერევა, არამედ მისი ოჯახის წევრებიც. წიკლაურის თქმით ბერა ივანიშვილის უკანონო მოთხოვნის შეუსრულებლობის გამო შს მინისტრმა უწყებიდან 9 პოლიციელი გაათავისუფლა

„ამ ადამიანებისთვის სახელმწიფო გადაიქცა უბრალო სათამაშოდ, განსაკუთრებით საგანგაშოა და ყოველდღიურობად იქცა პოლიციელების ღირსების შელახვა. შემთხვევა მოხდა ამა წლის 4 თებერვალს, შარდენზე კლუბ „ელ ცენტროში“, აქ მოხდა ჩხუბი, რომელშიც მონაწილეობას იღებდნენ შსს-ს ვერის განყოფილების უფროსის მოადგილე თორნიკე ძულიაშვილი, ბარმენი და აგრეთვე ან კლუბის დაცვის წევრები. როდესაც ეს ჩხუბი დაიწყო პოლიციელმა გამოიძახა სხვა პოლიციელები, რათა წესრიგი დამყარებინა და მოვიდა იქ მთაწმინდა-კრწანისის სამმართველოს უფროსი რამაზ თათარაშვილი და სხვადასხვა პოლიციის თანამშრომლები. თანამშრომლებმა დააკავეს ამ კლუბის დაცვის წევრი ვინმე ალეკო.როდესაც ეს დაკავება განხორციელდა ადგილზე მოვიდნენ შსს-ს გენერალური ინსპექციის თანამშრომლები და პოლიციელებს უთხრეს რომ დაკავებული აუცილებლად უნდა გაეთავისუფლებინათ, რადგან ეს იყო ბერა ივანიშვილის პირდაპირი ინტერესი.“- განაცხადა წიკლაურმა, მისი თქმით პოლიციელებმა ამ პირის გათავისუფლებაზე უარი უთხრეს, რის შემდეგაც ისინი დაბარებულები იქნენ გენერალურ ინსპექციაში სადაც მათ დახვდათ შს მინისტრი, რომელიც იყო გავრაზებული იმის გამო რომ გენერალური ინსპექციის და ბერა ივანიშვილის დავაკლება არ შესრულდა და მან იქვე ჩამოართვა პოლიციელს პირადი ნივთები და გაათავისუფლა სამსახურიდან.

„ამ დღეს შს მინისტრის მიერ გათავისუფლებულნი იქნენ: რამაზ თათარაშვილი- მთაწმინდა კრწანისის პოლიციის სამმართველოს უფროსი, კახა გალდავა- ამავე სამმართველოს საუბნო განყოფილების უფროსი, კობა ნარმანია- პირველი განყოფილების უფროსიმ ზაზა ოსეფაშვილი- ვერის განყოფილების უფროსი , თორნიკე ზურიაშვილი- განყოფილების უფროსის მოადგილე და მათთან ერთად 4 ოპერატიული თანამშრომელი, იმის გამო რომ არ შესრულდა ბერა ივანიშვილის უკანონო მოთხოვნა, შს მინისტრმა გაათავისუფლა 9 კანონმორჩილი პოლიციელი. ენმ აცხადებს, რომ პოლიციელების ღირსების შელახვა და აბუჩად აგდება ანგრევს ქართულ სახელმწიფოს და ნაციონალური მოძროაბა ყოველთვის დაიცავს ქართველი პოლიციელების უფლებებს, იმიტომ რომ მიგვაჩნია რომ ქართული სახელმწიფოს ფუნდამენტი და მართლწესრიგის დაცვის გარანტი სწორედ პოლიციელები არიან“- აღნიშნა წიკლაურმა.