,,ხატია დეკანოიძის შვილზე ფსიქოლოგიური ზეწოლა ხდებოდა, რომ თავის თავზე აეღო"

,,ხატია დეკანოიძის შვილზე ფსიქოლოგიური ზეწოლა ხდებოდა, რომ თავის თავზე აეღო" - კოტე იოსელიანი

პოლიტიკა - 20:52, 17 Mar, 2017

4350

„ერთიანი ნაციონალური მოძრაობის“ წევრმა კოტე იოსელიანმა გადაცემა „რეაქციაში“ უფლებადამცელის წარმომადგენელს მიმართა და მოუწოდა, ხატია დეკანოიძის შვილის დაჭერის ფაქტთან დაკავშრებით ნუ გააკეთებენ განცხადებებს, ვიდრე საქმის დეტალებს არ გეცნობიან.

„თქვენ საუბრობდით ხატია დეკანოიძის შვილზე როგორც უფლებადამცველი. აპრიორი მოცემულობა შექმენით მაშინ, როდესაც არ იცნობთ დეტალებს. ხატიას შვილი, რომელიც სულ ცოტა ხნის წინ შეუსრულდა 18 წელი, მარტო არ დაუჭერიათ. ის სხვებთან ერთად დაიჭირეს. ყველა გაუშვეს და დაიტოვეს ეს და ამ ადამიანთან მთელი ღამე არ შეუშვეს ადვოკატი. როგორც სჩანს ის ნაკლებად ინფორმირებულია საკუთარ უფლებებზე და დაჟინებით ვერ მოითხოვა, რომ შეეშვათ მასთან ადვოკატი. მთელი ღამის განმავლობაში მასზე მიდიოდა ფსიქოლოგიური ზეწოლა, რომ თავის თავზე აეღო, რომ ნუ დააბრალებდა და მეგობრებსაც ნუ გარევდა ამაში. იცით ეს როგორ ხდება, ეს მეთოდოლოგია, როგორ ამუშავებენ პოლიციაში მცირეწლოვან ადამინებს, რომ თავის თავზე აიღონ დანაშაული და ამიტომ მოგიწოდებთ, სანამ დეტალებს არ გაეცნობით შეფასებებისგან თავი შეიკავოთ“- განაცხადა იოსელიანმა.