დამატებითი უფლება საკონსტიტუციო სასამართლოს- რას გულისხმობს "მინი სტრასბურგის მოდელი"

პოლიტიკა - 17:36, 17 Mar, 2017

1495

სახელმწიფო საკონსტიტუციო კომისიას დღეს კომისიის რამდენიმე წევრმა ახალი ინიციატივით მიმართა, აღნიშნული ინიციატივა საკონსტიტუციო სასამართლოსთვის დამატებითი უფლების მინიჭებას გულისხმობს, რომლის მიხედვითაც მას შეეძლება საერთო სასამართლოების მიერ მიღებული გადაწყვეტილების კონსტიტუციასთან შესაბამისობა შეამოწმოს. ამ საკითხის ერთ-ერთი ინიციატორი ვახუშტი მენაბდესა და სახალხო დამცველის პარალელურად კონსტიტუციონალისტი ვახტანგ ხმალაძეცაა. მისი თქმით ამ ცვლილების მთავარი მიზანი არის არა ის რომ სტრასბურგის სასამართლოში საქართველოდან მიმართვიანობა შემცირდეს, არამედ ის რომ გაიზარდოს საქართველოს მოქალაქეების დაცულობის საკითხი თვითონ ქვეყნის შიგნითვე:

„საერთო სასამართლოები თავიანთი გადაწყვეტილების მიღებისას იყენებენ კანონების ამა თუ იმ ნორმებს და მათ არცთუ იშვიათად უწევთ ნორმების ინტერპრეტაცია, თუ რა იგულისხმება ამ კონკრეტულ ნორმაში. სავსებით შესაძლებელია, რომ ნორმის ინტერპრეტაცია შესაბამისობაში არ იყოს კონსტიტუციასთნ. კონსტიტუციასთან შესაბამისობა თავისთავში მოიცავს აგრეთვე საერთაშორისო შეთანხნებებთან თანხვედრასაც და მათი გათვალისწინების ვალდებულებასაც. დგება ხშირად საკითხი რამდენად შესაბამისობაშია სასამართლო გადაწყვეტილება კონსტიტუციასთან. ინიციატივა გულისხმობს საკონსტიტუციო სასამართლოსთვის იმ უფლების მინიჭებას, რომ მან განიხილოს ყველა სასამართლო ინსტანცია გავლილი გადაწყვეტილების კონსტიტუციურობა და შეამოწმოს ხომ არ იყო ნორმის ინტერპრეტაცია არაკონსტიტუციური. თუ საკონსტიტუციო სასამართლომ ასეთი რამ აღმოაჩინა, მაშინ ის გააუქმებს სასამართლოს გადაწყვეტილებას. შესაბამისად ეს იქნება ახალი გარემოება და სასამართლო ვალდებული იქნება ხელახლა განიხილოს ეს საქმე. ამით არ ხდება სტრასბურგის სასამართლოს ჩანაცვლება, მაგრამ შესაძლებელი იქნება, რომ რიგი საკითხები აღარ გახდეს სტრასბურგში განსახილველი. ჩვენთვის მთავარია არა სტრასბურგში მიმართვიანობის შემცირება, არამედ ამით გაიზრდება საქართველოს მოქალაქეების დაცულობის ხარისხიც.“- განაცხადა ვახტანგ ხმალაძემ „ქრონიკასთან“ საუბარში.