მინი სტრასბურგის მოდელი - ,,საკონსტიტუციო სასამართლოს ეს უფლება უკვე აქვს და ამ იდეით არსებულ მექანიზმებს ვართულებთ“

პოლიტიკა - 15:10, 17 Mar, 2017

1083

საკონსტიტუციო კომისიაში, კონსტიტუციონალისტ ვახუშტი მენაბდეს მიერ წარდგენილ ინიციატივას, რომელიც საქართველოში მინი სტრასბურგის მოდელის შექმნას გულისხმობს, ეხმაურება ,,ახალი ერთობა საქართველოსთვის“ ერთ-ერთი დამფუძნებელი, დიპლომატი მამუკა ჟღენტი, რომელიც განმარტავს, რომ მსგავსი იდეები მექანიზმების გართულებას ემსახურება.

,,საკონსტიტუციო სასამართლოს, განსხვავებით თუნდაც ევროკავშირის სხვა მრავალი ქვეყნისგან, უკვე აქვს უფლება მიიღოს მოქალაქეთა სარჩელები ადამიანის უფლებების საკითხებში. სასურველია ამ უფლების გამოყენება კიდევ უფრო ეფექტური გახდეს და ამგვარი იდეებით მხოლოდ გავართულებთ არსებულ მექანიზმებს და რეალურად ვერაფერს დადებითს ვერ მივიღებთ“ - განაცხადა მამუკა ჟღენტმა.

აღნიშნული ინიციტიავით ვახუშტი მენაბდემ საკონსტიტუციო კომისიას მიმართა.

კომისია ამის შესაძლებლობას განიხილავს, კერძოდ ის, რომ ქვეყანაში შეიქმნას დამატებითი სტრუქტურა, ე.წ. მინი სტრასბურგის მოდელი, რომლის მიხედვითაც საკონსტიტუციო სასამართლოს ექნება შესაძლებლობა, გადახედოს საერთო სასამართლოების გადაწყვეტილებას. ეს უნდა უკავაშირდებოდეს ადამიანის უფლებებს.

ინიციატივის ერთ-ერთი ავტორია კონსტიტუციონალისტი ვახუშტი მენაბდე ამბობს, რომ თუ წინადადება ძალაში შევა, ეს მნიშვნელოვნად შეამცირებს სარჩელების რაოდენობას ევროპულ სასამართლოში. ამას მხარს უჭერს არასაპარლამენტო ოპოზიციის წარმომადგენელი ნინო ბურჯანაძის პარტიიდან. საპარლამენტო ოპოზიციის წარმომადგენლები კი ამბობენ, რომ ამ წინადადებაზე მსჯელობა არასერიოზულია.