"რომელი პოლიტიკური ჯგუფი იდგა ბათუმის მოვლენების უკან, ჩანს" - ბესელია კონკრეტული პოლიტიკოსების პასუხისმგებლობის საკითხს აყებებს

პოლიტიკა - 10:43, 17 Mar, 2017

1312

პარლამენტის იურიდიულ საკითხთა კომიტეტის თავმჯდომარე ეკა ბესელიას განცხადებით, უნდა დადგინდეს, რომელი პოლიტიკოსები იდგნენ ბათუმში 11-12 მარტს განვითარებული მოვლენების უკან.

უმრავლესობის დეპუტატის შეფასებით, "ბათუმის მოვლენებმა კიდევ ერთხელ აჩვენა ის განსხვავება, რაც მოქმედ ხელისუფლებასა და წინა ხელისუფლებას შორის არსებობს".

"ჩვენ ველოდებით, რომ გამოაშკარავდეს, ვინ, რომელი პოლიტიკური ჯგუფი იდგა ამის უკან. რომელი პოლიტიკური ჯგუფიც იდგა ჩანს, მაგრამ ამ პოლიტიკური ჯგუფის რომელი პოლიტიკოსები იდგნენ ამ ყველაფერის უკან და იყვნენ ჩართული ამ პროცესში, ეს უნდა გამოჩნდეს ამ გამოძიების შედეგად", - განაცხადა ბესელიამ.

რაც შეეხება სანართალდამცავი სტრუქტურების რეაგირებას, უმრავლესობის დეპუტატის განცხადებით, სპეციალური დანიშნულების რაზმის, სპეციალური საშუალებების გამოყენება მაშინ მოხდა, როდესაც შესაძლებელი იქნებოდა მსხვერპლის თავიდან აცილება.

"ამით ჩვენ ხაზს ვუსვამთ იმას, რომ სახელმწიფოს აქვს თმენის მაღალი ვალდებულება, მოსახლეობის დაცვის და ამავდროულად სწორი და პროპორციული რეაგირების" - განაცხადა ბესელიამ.