"ქართველმა ხალხმა პერეზიდენტი უნდა აირჩიოს პირდაპირი წესით 2018 წელს და შემდგომ წლებშიც"- აბაშიშიშვილი

პოლიტიკა - 20:26, 16 Mar, 2017

2099

პრეზიდენტის ადმინისტრაციის უფროსი გიორგი აბაშიშვილი პრეზიდენტი არჩევის წესზე საუბრობს და აღნიშნავს, რომ ქართველმა ხალხმა ყოველთვის პირდაპირი წესით უნდა აირჩიოს,

”კონსტიტუციასთან დაკავშირებულ ნებისმიერ საკითხზე ჩვენი კამპანიის ფარგლებში ”კონსტიტუცია ყველასია” ჩვენს აზრს ვეკითხებით მთელი საქართველოს მასშტაბით მოსახლეობას - იქნება ეს პრეზიდენტის პირდაპირი წესით არჩევა, ადგილობრივი თვითმმართველობის არჩევნები, მთლიანობაში საარჩევნო სისტემა, თუ ქვეყნის მოწყობა, ამაზე ძალიან მნიშვნელოვანი არის ქართველი ხალხის აზრი, რომელსაც ჩვენ ვარკვევთ სწორედ იმ ჩართულობით, რომელსაც ჰქვია კამპანია ”კონსტიტუცია ყველასია”.
რაც შეეხება პრეზიდენტის პირდაპირი წესით არჩევას, ჩვენ მიგვაჩნია, რომ ქართველმა ხალხმა ამასთან დაკავშირებით არჩევანი გააკეთა, ქართველ ხალხს არ უნდა წაერთვას პრეზიდენტის პირდაპირი წესით არჩევის უფლება. ქართველმა ხალხმა პრეზიდენტი უნდა აირჩიოს პირდაპირი წესით 2018 წელს, შემდგომ წლებშიც, მათ შორის 2023 წელს და შემდგომაც, როდესაც იქნება პრეზიდენტის არჩევნები“, - განაცხადა გიორგი აბაშიშვილმა.