"ე.წ ღარიბაშვილის დაჯგუფებები აქტიურობდნენ" - გიორგი ტუღუში ბათუმში განვითარებულ მოვლენებზე

პოლიტიკა - 17:56, 16 Mar, 2017

2393

,,მოძრაობა თავისუფლებისთის-ევროპული საქართველოს’’ წევრი გიორგი ტუღუში ბათუმის მოვლენებთან დაკავშირებით ხელისუფლებას და გამოძიებას უნდობლობას უცხადებს და აღნიშნავს, რომ არეულობის დროს ე.წ ღარიბაშვილის დაჯგუფებები აქტიურობდნენ.

,,მითითებას იმაზე, რომ თითქოს რაღაც გამოძიებას აწარმოებენ სამწუხაროდ, მთელი ის გამოცდილება, რაც ჩვენ გვაქვს ქართულ ოცნებასთან ურთიერთობაში რას როგორ იძიებენ ძალიან კარგად ვიცით. რომ გეკითხათ ხელისუფლებისთვის კორცხელის ინციდენტიც ნაციონალური მოძრაობის მოწყობილი იყო. რაც შეეხება ბათუმის ინციდენტს, რა თქმა უნდა არანაირი იმედი არ მაქვს, რომ ამ ფაქტს ნორმალურად გამოიძიებენ. განსაკუთრებით თუ გავითვალისწინებთ იმას, რომ მათი აქტივისტები, ე.წ ღარიბაშვილის დაჯგუფებები აქტიურობდნენ, რომლებიც ჯერ საკონსტიტუციო სასამართლოს ატერორებდნენ და სხვადასხვა უკანონო აქციებს აწყობდნენ, ახლა აქ ამოყეს თავი და შესაბამისად, არანაირი იმედი რომ გამოიძიებენ არ მაქვს. ამავდროულად, ძალიან სამწუხაროა, რომ კვირიკაშვილს თუნდაც ირიბი საფუძველი მიეცა ოპოზიციის გარკვეული არასწორი მოქმედებებით მხრიდან, რომ ამ საკითხზე ელეპარაკა და საშუალება მისცემოდა თითი ვინმესკენ გაეშვირა’’- განაცხადა გიორგი ტუღუშმა.