"ხელისუფლება აპირებს გარკვეული გზებით აიცილოს თავიდან სტრასბურგის გადაწყვეტილება"

"ხელისუფლება აპირებს გარკვეული გზებით აიცილოს თავიდან სტრასბურგის გადაწყვეტილება" - წერეთელი რუსთავი 2-ზე

პოლიტიკა - 15:20, 16 Mar, 2017

1216

ფრაქცია ,,მოძრაობა თავისუფლებისთვის-ევროპული საქართველოს’’ თავმჯდომარე გიგი წერეთლი რუსთავი 2-ის საქმესთან დაკავშირებით აცხადებს, რომ ხელისუფლება აპირებს გარკვეული გზებით აიცილოს თავიდან სტრასბურგის გადაწყვეტილება.

,,ძალიან სამწუხაროა, რომ ხელისუფლება ჯიუტად აგრძელებს იმ კურსსა და ნარატივს, რომელიც მთელი ამ ხნის განმავლობაში ჰქონდა. რომ ეს არის კერძო დავა ორ სუბიექტს შორის და აქ არაფერი არა არის სიტყვის თავისუფლებასთან დაკავშირებული. სტრასბურგის სასამართლომ ძალიან ნათლად თქვა, რომ საქმე გვაქვს სარედაქციო პოლიტიკაში ჩარევასთან და სწორედ ამის გამო მოხდა ამ გადაწყვეტილების მიღებაც. სარედაქციო პოილიტიკაში ჩარევა ნიშნავს სიტყვის თავისუფლების შეზღუდვას, აქედან გამომდინარე, ვფიქრობ, ყველანაირ აზრს მოკლებულია საუბარი იმაზე, რომ ეს არის მხოლოდ ორ სუბიექტს შორის კერძო დავა. ეს არის დავა სწორედ რომ სახელმწიფოსა და თავისუფალ მედიას შორის. დღეს ჩვენ ვხედავთ განცხადებებს და ეს არის მინიშნება იმისა, რომ ხელისუფლება აპირებს გარკვეული გზებით აიცილოს თავიდან სტრასბურგის გადაწყვეტილება, თუმცა სამართლებრივად ეს არ იქნება სწორი’’,- განაცხადა გიგი წერეთელმა.