ცვლილებები საყოველთაო ჯანდაცვაში - როგორ დაფინანსდებიან მშობიარე და საშუალო და დაბალი შემოსავლის მოქალაქეები

პოლიტიკა - 13:44, 16 Mar, 2017

8807

ჯანდაცვის მინისტრის განცხადებით 300 ათასი მოქალაქისთვის. რომელთა შემოსავალი 900 ლარზე მეტია, მაგრამ, წლიური შემოსავალი არ აღემეტება 40 000 ლარს, საყოველთაო ჯანდაცვის პროგრამის პირობები იცვლება, მათი ურგენტული სტაციონარი 100%-ის ნაცვლად დაუფინანსდებათ 90%-ით. გეგმიური სტაციონარი 1000 ლარის ზემოთ დაფინანსდება 70%-ით. მათ უნარჩუნდებათ ჯანდაცვის სახელმწიფო სხვა პროგრამები. არ ეძლევათ პრივილეგია ისარგებლონ კერძო სადაზღვევო (შემავსებელი) პაკეტით.

ყოველთვიურად 900 ლარზე ნაკლები შემოსავლის მქონე მოქალქეები და თვითდასაქმებული პირები 1 154 000 ადამიანი გაერთიანებულია ჯგუფში: დაბალი და არარეგულირებული შემოსავლის მქონე მოქალაქეები და მოზარდები, მათ ურგენტული ამბულატორია 100%-ის ნაცვლად დაუფინანსდებათ 50%-ით. გეგმური ამბულატორია და ურგენტული სტაციონარი რჩება უცვლელად, გეგმიური სტაციონარი კი >500 ლარზე. მათ ასევე, ენიჭებათ პრივილეგია ერთდროულად ისარგებლონ საყოველთაო ჯანდაცვის სერვისებითა და კერძო სადაზღვევო (შემავსებელი) პაკეტით. მიეცემათ გარდამავალი ეტაპის შეღავეთები, ასევე უნარჩუნდებათ ჯანდაცვის სახელმწიფო სხვა პროგრამები.

102 000 მოქალაქეს, რომელთა სარეიტინგო ქულა 70 000-დან 100 000-მდეა საყოველთაო ჯანდაცვის სერვისების მოცულობა უცვლელად შეუნარჩუნდებათ. ამავდროულად, მიენიჭებათ პრივილეგია, ერთდროულად ისარგებლონ საყოველთაო ჯანდაცვის სერვისებითა და კერძო სადაზღვევო შემავსებელი პაკეტით.

6-18 წლის მოზარდები 503 000 ადამიანს შეადგენს, ამ კატეგორიასაც, საყოველთაო ჯანდაცვის სერვისების მოცულობა უცვლელად შეუნარჩუნდებათ. ამავდროულად, მიენიჭებათ პრივილეგია, ერთდროულად ისარგებლონ საყოველთაო ჯანდაცვის სერვისებითა და კერძო სადაზღვევო შემავსებელი პაკეტით.

მშობიარობის დაფინანსება ყველა კატეგორიას უცვლელად შეუნარჩუნდება.