,,ზიანის მომტანი საგარეო პოლიტიკის და ოკუპანტთან ენის მოჩლექით საუბრის შედეგი“

,,ზიანის მომტანი საგარეო პოლიტიკის და ოკუპანტთან ენის მოჩლექით საუბრის შედეგი“ - ბაჩუკი ქარდავა პუტინის გადაწყვეტილებაზე

პოლიტიკა - 14:35, 15 Mar, 2017

1692

„ეროვნულ-დემოკრატიული პარტიის“ ლიდერის ბაჩუკი ქარდავას შეფასებით რუსეთის მიერ ცხინვალის ე.წ შეიარაღებული ქვედანაყოფის თავის სამხედრო ძალებში გაერთიანება, საქართველოს ხელისუფლების მიერ წარმოებული ზიანის მომტანი პოლიტიკის შედეგია, რაც ოკუპანტთან „ენის მოჩლექით საუბარსა“ და დათმობებს გულისხმობს:

„რუსეთი მეთოდურად აგრძელებს საქართველოს ტერიტორიების შემდგომ ანექსიას, რაც კიდევ ერთხელ ადასტურებს ჩვენი ქვეყნის ხელისუფლების სრულ იდიოტურ საგარეო პოლიტიკას. დაწყებული საქართველოს ოკუპირებული ტერიტორიების საკითხის დასავლეთისა და რუსეთის ურთიეთობების დღის წესრიგიდან გაქრობით, გაგრძელებული სრულიად უაზრო, მხოლოდ ზიანის მომტანი კარასინ-აბაშიძის ფორმატით და დასრულებული ზოგადი ენის მოჩლექით საუბარი ოკუპანტთან არსებულ პრობლემებზე და რბილი დათმობების პოლიტიკით.

რუსეთი მუდმივად გვახსენებს, რომ მას აქვს თავისი სტრატეგიული ინტერესები ჩვენს რეგიონში, რაც პუტინის რუსეთისა და საქართველოს მეგობრობას შეუძლებელს ხდის, მაგრამ სამწუხაროდ საქართველოს ხელისუფლებას ან არ სურს, ან ვერ ახერხებს საქართველოს სტრატეგიული ინტერესებიდან გამომდინარე მოქმედებას და შედეგად ვიღებთ იმას, რასაც ყოველ ნაბიჯზე ვხვდებით რუსეთიდან მომდინარე საფრთხეების სახით“- განაცხადა ბაჩუკი ქარდავამ.