"ყოველგვარი ე.წ. შეთანხმებები რუსეთის ფედერაციასა და დე-ფაქტო ხელისუფლებებს შორის არის არალეგიტიმური"

"ყოველგვარი ე.წ. შეთანხმებები რუსეთის ფედერაციასა და დე-ფაქტო ხელისუფლებებს შორის არის არალეგიტიმური" - მიხეილ ჯანელიძე

პოლიტიკა - 12:15, 15 Mar, 2017

1033

რუსეთის პრეზიდენტის მიერ ოკუპირებული ცხინვალის ე.წ. შეიარაღებული ძალების ქვედანაყოფის რუსეთის შეიარაღებულ ძალებში შესვლის შესახებ წინადადების დაამტკიცებას ოფიციალური თბილისი გამოეხმაურა.

როგორც საქართველოს საგარეო საქმეთა მინისტრი მიხეილ ჯანელიძე აღნიშნავს, რუსეთსა და ოკუპირებულ ცხინვალს შორის გაფორმებულ ე.წ. შეთანხმება არალეგიტიმურია.

"ყოველგვარი ე.წ. შეთანხმებები რუსეთის ფედერაციასა და დე-ფაქტო ხელისუფლებებს შორის არის არალეგიტიმური. ჩვენ ვხედავთ, რომ საოკუპაციო რეჟიმი აგრძელებს თავის ქმედებებს. ასეთი ტიპის ნაბიჯები არ არის მიმართული მშვიდობის უზრუნვეყოფისკენ, კონფლიქტის მშვიდობიანი მოგვარებისკენ და ხელს უშლის იმ სამშვიდობო პროცესს, რომელიც სჭირდება ამ კონფლიქტის დარეგულირებას.
ჩვენ დარწმუნებული ვართ, რომ საერთაშორისო საზოგადოება კიდევ ერთხელ მიცემს შესაბამის შეფასებას ამ ყველა ქმედებას და ნაბიჯს. რაც მთავარია რუსეთის ფედერაციამ უნდა შეასრულოს 2008 წლის ცეცხლის შეწყვეტის შეთანხმებით ნაკისრი ვალდებულებები, გაიყვანოს სამხედრო ძალები საქართველოს ტერიტორიიდან და შექმნას ყველა წინაპირობა იმისთვის, რომ შესაძლებელი იყო კონფლიქტის მშვიდობიანი დარეგულირება”, - განაცხადა ჯანელიძემ.

შეგახსენებთ, ვლადიმერ პუტინმა ოკუპირებული ცხინვალის ე.წ.შეიარაღებული ძალების ქვედანაყოფის, რუსეთის შეიარაღებულ ძალებში შესვლის წინადადება უკვე დაამტკიცა. აღნიშნულის შესახებ ინფორმაცია რუსეთის მთავრობის ოფიციალურ გვერდზეა გამოქვეყნებული.