"პოსტში ხსენებაც არ უთხოვიათ გეფიცები, რა ჯიგრები არიან"- აკა სინჯიკაშვილს საწვავით სოკარი უზრუნველყოფს

სოც.მედია - 16:24, 14 Mar, 2017

11042

სცენარისტი აკა სინჯიკაშვილი, რომელიც ფართო საზოგადოებამ თავისი საქველმოქმედო საქმიანობით გაიცნო, ფეისბუკზე იმ კომპანიების შესახებ წერს, რომლებიც მას ამ საქველმოქმედო საქმიანობის უკეთ წარმართვაში ეხმარებიან. როგორც აღმოჩნდა კომპანია „სოკარმა“ გადაწყვიტა, რომ აკა სინჯიკაშვილი, რომელიც გაჭირვებული მოქალაქეების დასახმარებლად უამრავ მანძილს გადის საწვავით სრულად უზრუნველყოს:

„რამდენიმე მაგარი ამბავი ერთად აღარ ჩამირიცხოთ ბენზინისათვის ფული, იმიტომ, რომ სააქციო საზოგადოებამ "სოკარი" ერთწლიანი საწვავის ბარათი გადმოგვცა, თანაც ისე რომ აი პოსტში ხსენებაც არ უთხოვიათ გეფიცები, რა ჯიგრები არიან. მეორე ამბავი - ქართული განათლების ცენტრის შემდეგ, რომელიც ჩვენი თხოვნით ხშირად ამზადებს სოციალურად დაუცველ აბიტურიენტებს უფასოდ, დაგვიკავშირდა ბექას სკოლა - Beka's School , რომელიც უკვე ამზადებს ერთ ადამიანს ინგლისურში და კიდევ ხშირად დაგვეხმარება. კიკეთში თიკოსთვის შინაური ცხოველები და ფრინველები გვყავს საყიდი, ფულიც შეგროვილია და ხუთშაბათს ველოდებით, როცა მანგლისში ბაზრობა იმართება.

და ახლოვდება Red Nose Day-ს დაწყების თარიღი 24 მარტი და ყველაფერი ძაან კარგად მიდის“- წერს აკა სინჯიკაშვილი.