ეკა ბესელია ჟენევის საერთაშორისო კონფერენციაზე სიტყვით გამოვა

პოლიტიკა - 12:02, 14 Mar, 2017

6179

პარლამენტის იურიდულ საკითხთა კომიტეტის თავმჯდომარე, ეკა ბესელია ჟენევაში გაემგზავრება, სადაც 15 მარტს მონაწილეობას მიიღებს საერთაშორისოკონფერენციაში თემაზე: „საპარლამენტო ჩართულობის გაზრდა ადამიანის უფლებების დაცვისა და კანონის უზენაესობის სფეროში“ და სიტყვით გამოვა.

კონფერენცია ორგანიზებულია ოქსფორდის უნივერსიტეტის კვლევითი პროექტის ფარგლებში, გაეროს ადამიანის უფლებათა დაცვის უმაღლესი კომისრის,საპარლამენტთაშორისო გაერთიანების, თანამეგობრობის სამდივნოსა და ვესტმინსტერის დემოკრატიის ფონდის პარტნიორობით.

იურიდიულ საკითხთა კომიტეტის თავმჯდომარე კონფერენციაზე სიტყვით გამოსვლის დროს ისაუბრებს ბოლო წლების განმავლობაში ადამიანის უფლებათა დაცვისინსტიტუციური მექანიზმების შექმნისა და დახვეწის მიზნით საქართველოს პარლამენტის მიერ განხორციელებულ საკანონმდებლო ცვლილებებზე. ეკა ბესელიაღონისძიების მონაწილეებს გააცნობს იმ სიახლეებს, რაც მიღებული იქნა 2016 წელს საქართველოს პარლამენტის რეგლამენტში, კერძოდ გაეროს სახელშეკრულებოკომიტეტთან წარსადგენი ანგარიშების საპარლამენტო კონტროლის მექანიზმებს, ახალ სტანდარტებს და ასევე, ისაუბრებს ევროპის ადამიანის უფლებათასასამართლოს გადაწყვეტილებათა აღსრულებაზე კონტროლის დაწესების შესახებ.

ჟენევის კონფერენციის მიზანია წარმოაჩინოს განვითარება, რომელიც დაკავშირებულია დემოკრატიული ჩართულობის გაზრდასთან ადამიანის უფლებების დაცვისადა კანონის უზენაესობის სფეროში. ასევე, ხელი შეუწყოს შემდგომ დისკუსიას იმ წინადადებების თაობაზე, რომლებიც 2016 წლის 22 ივნისს ადამიანის უფლებათასაბჭოში იქნა დასმული.

საპარლამენტო ჩართულობის გაზრდის ხელშეწყობისთვის პრაქტიკული და ეფექტური გზების პოვნის მიზნით, კონფერენციაზე ექსპერტების მონაწილეობითდისკუსია გაიმართება.