უფრო მეტად გვიღირს თითოეული ადამიანის სიცოცხლე ვიდრე 2-3 დამწვარი მანქანა

უფრო მეტად გვიღირს თითოეული ადამიანის სიცოცხლე ვიდრე 2-3 დამწვარი მანქანა - შს მინისტრი ბათუმის მოვლენებზე

პოლიტიკა - 10:33, 14 Mar, 2017

3548

აჭარაში მყოფი შინაგან საქმეთა მინისტრი ხულოში ჩავიდა. გიორგი მღებრიშვილი აჭარის პოლიციის დეპარტამენტის ხულოს რაიონულ სამმართველოში მივიდა, სადაც პოლიციელებს შეხვდა. ამის შემდეგ მინისტრი ადგილობრივ მოსახლეობას გაესაუბრა.

„შეგვეძლო გამოგვეყენებინა ძალა, ჩვენ გვაქვს იმის ძალაც და რესურსიც , რომ ის ხალხი იქიდან დაგვეშალა, მაგრამ ჩვენ გავუფრთხილდით ჩვენი ადამიანების სიცოცხლეს და ჯანმრთელობას. ჩვენ არ გამოვედით მანამდე, სანამ ბოლომდე არ დაიწმინდა, გვქონდა ოპერატიული ინფორმაცია იმის შესახებ, რომ ის ადამიანები ვინც ცნობისმოყვარეობის გამო იყვნენ მოსულები, წავიდოდნენ და დაიშლებოდნენ. როგორც კი ადგილზე დარჩნენ კრიმინალები, სრული ამ სიტყვის მნიშვნელობით, შემდეგ ჩავერიეთ. უფრო მეტად გვიღირს თითოეული ადამიანის ჯანმრთელობა და სიცოცხლე ვიდრე 2-3 დამწვარი მანქანა. იმ შეურაცხოფასაც ავიტანთ, რა შეუარცხყოფაც მოგვაყენეს, თმენის ვალდებულება გვაქვს და მაქსიმალურად ვიჩენთ ამ თმენის ვალდებულებას. ჩვენ მაქსიმუმი გავაკეთეთ იმისა, რაც შეგვეძლო, მოთმინებას ვგულისხმობ. თუ დაზიანებულია ვინმე, დაზიანებულია პოლიციის თანამშრომელი. ეს იყო წმინდა წყლის პროვოკაცია, მე გაძლევთ იმის პირობას , რომ სიმშვიდე იქნება არა მარტო აჭარაში, არამედ მთელ საქართველოში. ჩვენ ძალაც გვაქვს, რესურსიც გვაქვს, რომ ვიმოქმედოთ წესრიგის დასამყარებლად, მაგრამ წესრიგის დამყარებას არ გვინდა რომ ვინმეს ჯანმრთელობა და სიცოცხლე შეეწიროს. ჩვენ ვდგევართ თქვენი უსაფრთხოების სადარაჯოზე და პოლიცია თუ სადმე გაამკაცრებს წესრიგს ეს იმას არ ნიშნავს, რომ ვინმეს ვერჩით. ნუ დაარღვევ კანონს და არც დაჯარიმდები. ადეკვატურად უნდა ვუყუროთ ამას და ჯარიმები არ უნდა ჩავთვალოთ, რომ ვინმე ვინმეს ერჩის“- განაცხადა გიორგი მღებრიშვილმა.