"სჯობს, ისევ ხუთკუნჭულასა და ასფურცელაზე გადაერთოს"- ზურაბიშვილი ჯეჯელავას განცხადებას აკრიტიკებს

პოლიტიკა - 18:57, 13 Mar, 2017

1695

რუსთავი2“-თან დაკავშირებით სტრასბურგის სასამართლოს გადაწყვეტილებაზე ვიცეპრემიერ ალექსანდრე ჯეჯელავას მიერ გაკეთებულ განცხადებას ოპოზიციის წამომადგენლები ეხმაურებიან. დავით ზურაბიშვილის თქმით სტრასბურგის გადაწყვეტილების არშესრულება ევროინტეგრაციის პროცესზე უარის თქმა იქნება:

„ვიცეპრემიერი ლაპარაკობს და გვიხსნის სიტყვის თავისუფლება რა არის და წარმოდგენა არა აქვს რა არის სიტყვის თავისუფლება. მგონია, სჯობს, ისევ გადაერთოს რაღაც ხუთკუნჭულასა და ასფურცელაზე, ვიდრე ილაპარაკოს ამ თემებზე... ეს გავს რუსულ სიტყვას ვიტყვი „მახროვი“ რუსულ ნარატივს, უბრალო რუსულსაც არა. პუტინმა მაშინ შეცვალა კანონმდებლობა და თქვა, რომ საკონსტიტუციო სასამართლოს საერთაშორისო სასამართლოების მიღებული გადაწყვეტილებების შეცვლა შეუძლია. საქართველოსთვის ეს იქნება სრულიად სხვა შემთხვევა. საქართველოსთვის ასეთი ტიპის გადაწყვეტილებები, პრაქტიკულად, იქნება ევროინტეგრაციის პროცესზე უარის თქმა, ევროპაზე უარის თქმა, დაბრუნება იზოლაციაში და საბოლოო ჯამში, რუსული გავლენის სფეროში და ამას, დარწმუნებული ვარ, ქართული საზოგადოება არ დაუშვებს,“ - განაცხადა დავით ზურაბიშვილმა.