ქიბარ ხალვაშის ადვოკატი არ გამორიცხავს, რომ სტრასბურგის სასამართლოს გადაწყვეტილების შემდეგ, ტელეკომპანიის დასაბრუნებლად საკონსტიტუციო სასამართლოს მიმართოს, საფუძველი კი საკუთრების საკონსიტუციო უფლების შეზღუდვა იქნება.

„იურისტები ვფიქრობთ, რა შეიძლება იყოს გამოსავალი ამ შემთხვევაში ისე, რომ საკურების უფლებაც დაცული იყოს და გამოხატვის თავისუფლებაც დაცული იყოს. შესაბამისად გვაქვს ამაზე ფიქრის უფლება და ეს არ ნიშნავს იმას, რომ დღეს მოხდება რამე ან ხვალ, შეიძლება იყოს ერთი წლის მერე ან თვეების შემდეგ, რაიმე კონკრეტულად ჩამოყალუბებული გადაწყვეტილება ჯერ არ გვაქვს“ - განაცხადა პაატა სალიამ.