ადამიანის უფლებათა დაცვის კომიტეტზე მმართველ გუნდსა და ოპოზიციას შორის სიტყვიერი დაპირისპირება მოხდა. „ევროპული საქართველოს“ მოთხოვნას რომ კომიტეტზე ბათუმში მომხდარ ფაქტზე ემსჯელათ გედევან ფოფხაძემ უარით უპასუხა და დეპუტატებს პროცედურების დაცვისკენ მოუწოდა.

„მე აგიხსნით, რისთვისაა კომიტეტი საჭირო. რეგლამენტი აიღეთ, კანონში ჩაიხედეთ და მიხვდებით, რისთვისაა კომიტეტი საჭირო. რა შუაშია ბიუროკრატია. არ მჭირდება თქვენი სწავლება. შოუების მოწყობას და ქვეყანაში არეულობის მოწყობის მცდელობას თავი დაანებეთ. გამოიჩინეთ ზრდილობა და კორექტულობა. ყველას გირჩევთ,“ - მიმართა საპარლამენტო უმცირესობის დეპუტატებს გედევან ფოფხაძემ.