„ნაციონალური მოძრაობა“ გადაიქცა ქვებით შეიარაღებულ რადიკალურ ჯგუფად

„ნაციონალური მოძრაობა“ გადაიქცა ქვებით შეიარაღებულ რადიკალურ ჯგუფად - არჩილ თალაკვაძე

პოლიტიკა - 13:08, 13 Mar, 2017

3778

საპარლამენტო უმრავლესობის ლიდერი არჩილ თალაკვაძე ორი დღის წინ ბათუმში განვითარებულ მოველენბზე საუბრობს, თალაკვაძე აცხადებს, რომ დასრულდა დრო, როდესაც „ნაციონალური მოძრაობა“ „ქართული ოცნების“ ოპონენტად თავს ასაღებდა:

„შეკითხვებს უკვე ვსვამთ ჩვენ და მათ უნდა უპასუხონ ამ შეკითხვებს. მე ვფიქრობ, გუშინ დასრულდა დრო, როდესაც „ნაციონალური მოძრაობა“ თავს ასაღებდა ჩვენს ოპონენტ და კონკურენტ პარტიად. ბათუმის მოვლენების შემდეგ ისინი გადაიქცნენ ქვებით შეიარაღებულ რადიკალურ ჯგუფად. გახსოვთ მათ სოლიდარობაც კი გამოუცხადეს ამ აქციას და დაანონსეს ამ აქციის მხარდამჭერი შეხვედრები მთელ საქართველოში. დანარჩენ საკითხებს უკვე გამოძიება გასცემს პასუხებს.

ასევე, თუ გავიხსენებთ, რატომ მოხდა ნაციონალური მოძრაობის გაყოფა და მოხდა იმიტომ, რომ ეს ჯგუფი თავის კოლეგებს სთავაზობდა ქვეყანაში ვითარების ძალადობრივი რევოლუციური სცენარებით შეცვლას და ეს ღიად ითქვა მათ მიერ. ამ ყველაფერს თუ ერთმანეთს დავაკავშირებთ, ძნელი არ არის დასკვნების გაკეთება, რა როლი და ინტერესი შეიძლებოდა ჰქონოდა „ნაციონალურ მოძრაობას“ ამ პროცესში“, - განაცხადა თალაკვაძემ.