საქართველოს ენერგეტიკის მინისტრი, ვიცე-პრემიერი კახა კალაძე ბათუმში განვითარებულ მოვლენებთან მიმართებით კიდევ ერთ განცხადებას აკეთებს. კალაძე აცხადებს, რომ არეულობის ფაქტზე რამდენიმე ადამიანია დაკავებული და მათი იდენტიფიცირება მიმდინარეობს:

„ეს იყო ვანდალიზმი და, ჩვენდა სამწუხაროდ, მთელი საღამოს განმავლობაში კონკრეტული პოლიტიკური პარტიის მხრიდან ვისმენდით სოლიდარობას და ვანდალიზმის მხარდაჭერას. გამოძიება დაწყებულია, მიმდინარეობს ამოცნობები, დაკავებულია რამდენიმე პირი. მე მინდა, გითხრათ, რომ ყველა დამნაშავე, ვისაც დანაშაული აქვს ჩადენილი, კანონის წინაშე აუცილებლად სრული სიმკაცრით აგებს პასუხს,“ - განაცხადა კახა კალაძემ.