,,სიტუაციის ესკალაცია სპონტანურად მოხდა“ - ირაკლი სესიაშვილი ბათუმის მოვლენებს ეხმაურება

პოლიტიკა - 01:38, 12 Mar, 2017

2430

ბათუმში არსებულ ვითარებაზე კომენტარი გააკეთა უმრავლესობის წევრმა. როგორც ,,კურიერს“ ირაკლი სესიაშვილმა განუცხადა, ჩატარდება გამოძიება, ჰქონდა თუ არა ადგილი სამართალდამცავების მხრიდან არამართლზომიერ ქმედებას. სესიაშვილი ამბობს, რომ სუს-ზე ან რომელიმე უწყებაზე ხელის გაშვერა, ხელისუფლების დისკრედიტაციას ემსახურება.

,,სამწუხაროდ, სიტუაციის ესკალაცია სპონტანურად მოხდა. მოქალაქეთა მცირე ნაწილის პროტესტს აჰყვა ბათუმელი მოსახლეობა. გარკვეული ნაწილის მხრიდან ადგილი ჰქონდა მცდელობას, რომ პოლიციის შენობაში შეჭრილიყვნენ. რასაც კადრებიდან ვხედავ, სპეცრაზმი გამოყენებული იქნა თავშეკავებულად. პოლიცია ვალდებულია, გამოიყენოს სპეცსაშუალებები, რაც მიღებულია მსოფლიო პრაქტიკაში, როცა პოლიციის მიმართლებით არის შეტევა და პატრული ვერ ახერხებს მათ შეკავებას, ამ შემთხვევაში იყენებენ სპეცდანიშნულების რაზმს. ხვალ მოხდება ამ სიტუაციის გეგმისეული ანალიზი და ამას სჭირდება გამოძიების ჩატარება. ამ შემთხვევაში უნდა გავერკვიოთ სიტუაციაში და თუ ადგილი ჰქონდა არამართლზომიერ მოქცევას, უნდა პასუხი მოეთხოვოს, თუმცა არც ქვების სროლა შედის კანონის ფარგლებში. ამიტომ ყველას მოვუწოდებ, რომ დამშვიდდეს. ხელისუფლება მაქსიმალურად ჩართულია რომ სიტუაცია განიმუხტო.

პოლიტიკური ჯგუფების ინტერსში შედის, რომ სახელმწიფო იყენებს რაღაც ჯგუფებს ესკალაციისთვის, ეს არის ჩვენი დისკრედიტაციის მცდელობა. სახელმწიფო მოქმედებს კანონის ფარგლებში და სუს-ის ან სხვა სამსახურისკენ ხელის გაშვერა ეს არის დისკრედიტაციის მცდელობა“- განაცხადა სესიაშვილმა.