,,ველაპარაკე შს მინისტრს და დაკავებულებს ერთ საათში გაათვისუფლებენ“

,,ველაპარაკე შს მინისტრს და დაკავებულებს ერთ საათში გაათვისუფლებენ“ - პატარიძე

პოლიტიკა - 00:54, 12 Mar, 2017

4077

აჭარის მთავრობის თავმჯდომარე ზურაბ პატარიძე აცხადებს, რომ შს მინისტრისგან გიორგი მღებრიშვილისგან მიიღო პირობა, რომ დაკავებული ექვსივე პირს ერთ საათში გაათავისუფლებენ.

„მე ვესაუბრე შს მინისტრს და ვთხოვე მას, დაუყოვნებლივ მოხდეს დაკავებულების გათავისუფლება. მე მივიღე პირობა, რომ მაქსიმალურად მალე, ერთ საათში მოხდება მათი გათავისუფლება.

ჩვენ დილიდან ჩავატარებთ საგანგებო შეხვედრებს და ყველაფერს გავაკეთებთ რეგიონისთვის.

მე ვარ ამის გარანტი და ყველას მოვუწოდებ სიმშვიდისკენ“ - განაცხადა პარატიძემ.

მისივე თქმით, რამდენიმე ადამიანი არის დაშავებული როგორც მოსახლეობის, ასევე სამართალდამცველების მხრიდან.

აქციის მონაწილეები დღეს, ბათუმში დაკავებული პირების გათავისუფლებას ითხოვენ.

ვითარებ მას შემდეგ დაიძაბა, რაც პოლიციამ ორი მძღოლიავტომნქანის უკანონო გაჩერებისთვის ჯერ დააჯარიმა, შემდეგ კი დააკავა.

განცხადება გააკეთა სახალხო დამცველმა და იმედი გამოთქვა, რომ პოლიცია არ გასცდება კანონის ფარგლებს. უჩა ნანუაშვილი აქციის მონაწილეებს და სამართალდამცავებს სიმშვიდისკენ მოუწოდებს.

ამასთან, აქციის მონაწილეები თანამდებობიდან აჭარის საპატრულო პოლიციის ახალი უფროსის კახა ბუხრაძის გადაყენებასაც მოითხოვენ. მათი განცხადებით, სწორედ ბუხრაძის დანიშვნის შემდეგ ქალაქში მძღოლების მიზანმიმართული დაჯარიმება დაიწყო. კახა ბუხრაძე შინაგან საქმეთა სამინისტროს აჭარის საპატრულო პოლიციის უფროსად მიმდინარე წლის იანვარში დაინიშნა.