თბილისში, კლდიაშვილის ქუჩაზე გუშინ საღამოს გაჩენილი ხანძრის შედეგად დაზარალებულ 70-მდე ოჯახს თბილისის მერი დავით ნარმანია ფულად კომპენსაციას დაჰპირდა. დედაქალაქის მერის განცხადებით, დაზარალებულ მოსახლეობას მიეცემა გარკვეული რესურსები იმისათვის, რომ ზიანი აღადგინონ:

„დღეს ტერიტორიის დასუფთავება მიმდინარეობს. ამის შემდეგ ყველა ოჯახი, რომელიც ჯერ კიდევ არ შესულა, შევა და დაათვალიერებს ნივთებს თუ რა მდგომარეობაა. პარალელურად, გამგეობის თანამშრომლებთან ერთად მიმდინარეობს ზიანის აღწერა. ჩვენ დავიწყებთ სახლის აღდგენის სამუშაოებს. მანამდე, იმ ოჯახებს, რომლებსაც სხვაგან არ აქვთ ჭერი გავიყვანთ და ბინის ქირას გადაუდის დედაქალაქის მერია. მათ მიეცემათ გარკვეული რესურსები იმისათვის, რომ აღიდგინონ ზიანი, რაც ხანძრის შედეგად მიადგათ, რასაკვირველია, გარკვეული ფულადი თანხაც მიეცემათ”, - განაცხადა დავით ნარმანიამ.