პრეზიდენტის ადმინისტრაციაში საქართველოს კონსტიტუციაში შესატან ცვლილებებს განიხილავენ.

შეხვედრაზე იმყოფებიან, როგორც საპარლამენტო ისე, არასაპარლამენტო ოპოზიციის წევრები.

„ჩვენ მომხრე ვართ პრეზიდენტის არჩევნები იყოს პირდაპირი წესით, გაიზარდოს მისი უფლებები და აირჩეს ისეთი პრეზიდენტი, რომელიც იზრუნებს ქვეყნის ტერიტორიული მთლიანობის აღდგენაზე,“ - განაცხადა ლეიბორისტული პარტიის წევრმა გიორგი გუგავამ.

ოპოზიციის ლიდერები აცხადებენ, რომ პრეზიდენტის ინსტიტუტის წინააღმდეგ მიმდინარეობს ნეგატიური კამპანია.

„ძალიან მნიშვნელოვანია და პოლიტიკური უმწიფრობა მგონია, როდესაც პრეზიდენტს უმრავლესობის წარმომადგენლები აკრიტიკებენ იმის გამო, რომ კონსტიტუციაზე საუბრობს. მე არ ვფიქრობ, რომ ერთი ან ორი პოლიტიკური ძალის ექსკლუზიური უფლებამოსილებაა კონსტიტუციაში შესატანი ცვლილებები განიხილოს. ეს უნდა იყოს ფართო კონსესუსზე დაფუძნებული და ჩამოყალიბებული პოზიცია,“ - აცხადებს ირაკლი ღლონტი.