"არაა გამორიცხული ევროპარლამენტარები ენმ-ს მიწოდებული არასწორი ინფორმაციით აპელირებდნენ"- კალაძე

პოლიტიკა - 12:47, 10 Mar, 2017

8623

ვიცეპრემიერ კახა კალაძის თქმით ის არ ეთანხმება ევროპარლამენტარების მხრიდან წამოსულ კრიტიკას, იმასთან დაკაშირებით რომ საქართველოში მედიაზე ზეწოლა ხორციელდება. კალაძის თქმით, ევროპარლამენტარები რომლებმაც საქართველოს პრემიერ-მინისტრს წერილი გამოუგზავნეს, შესაძლოა ნაციონალური მოძრაობის მიერ მიწოდებული არასწორი ინფორმაციით აპელირებდნენ:

„წერილის შინაარს გავეცანი, შესაბამისად ჩვენი პასუხიც იქნება წარმოდგენილი უახლოეს პერიოდში. მე ისევ ჩემს აზრზე ვრჩები, რომ საქართველოში არცერთ მედიას არ აქვს საფრთხე, დამთავრდა ის დრო, როდესაც ტელევიზიებში ხელკეტებით და ნიღბებით უვარდებოდნენ და ტელევიზიების დახურვა მიმდინარეობდა. არცერთ მედია საშუალებას და არც რ2-ს არანაირი საფრთხე არ გააჩნია საქართველოში და ჩვენი მთავრობის პირობებში. თუ არის რაიმე ხარვეზი ეს აუცილებლად უნდა გამოსწორდეს, კიდევ ბევრი უნდა გავაკეთოთ იმისთვის რომ წინ წავიდეთ. უბრალოდ ის რომ მედია არის ტერორის ქვეშ, ეს არის ძალიან დიდი სიცრუე და ტყუილი. ევროპარლამენტარებს შეიძლება არასწორი ინფორმაცია ქონდეთ. მათი განცხადებები რომ ჩვენს მიერ კონკრეტულ მედიასაშუალებაზე ზეწოლა მიმდინარეობს არის არასწორი. არ არის გამორიცხული რომ ისინი ნაციონალური მოძრაობის მიერ მიწოდებული არასწორი ინფორმაციით აპელირებდნენ. არაფერია გამორიცხული.“- განაცხადა კახა კალაძემ.