"არსებული კონსტიტუციური მოდელის შესანარჩუნებლად 20 პუნქტიანი თეზისები შევიმუშავეთ"- ოპოზიცია პრეზიდენტთან კონკრეტული წინადადებით მიდის

პოლიტიკა - 12:38, 10 Mar, 2017

1186

პრეზიდენტის ადმინისტრაციაში დაგეგმილი საკონსტიტუციო ცვლილებების განხილვაზე ოპოზიციის წარმომადგენლები საკუთარი 20 პუნქტიანი თეზისებით მივლენ.

“რასაკვირველია უმრავლესობის მიერ გრძელდება შეტევა პრეზიდენტის პიროვნების და ინსტიტუტის წინააღმდეგ. ჩვენ შევიმუშავეთ 20 პუნქტიანი თეზისები, არსებული კონსტიტუციური მოდელის შესანარჩუნებლად,“ - განაცხადა პოლიტიკური მოძრაობა სახელმწიფო ხალხისთვის თავმჯდომარემ ნიკა მაჭუტაძმე.

თავისუფალი დემოკრატების გენერალური მდივნის თამარ კეკენაძის თქმით, საკონსტიტუციო კომისიის შეიქმნა, მიზნად ისახავდა პრეზიდენტის უფლებამოსილებების შეზღუდვას.

“პრეზიდენტის ინსტიტუტი არის ერთადერთი, რომელსაც ვერ აკონტროლებს ბიძინა ივანიშვილი და ქართული ოცნება. სწორედ ამიტომ მიმდინარეობს მიზანმიმართული შეტევა პრეზიდენტის ინსტიტუტზე. ჩვენ ვფიქრობთ, რომ ზოგადად საკონსტიტუციო კომისიაც ამ მიზნით შეიქმნა, რომ სრულად მოხდეს პრეზიდენტის უფლებამოსილებების შეზღუდვა,“ - აღნიშნა კეკენაძემ.

საკონსტიტუციო ცვლილებების მასშტაბური განხილვა დღეს 15:00 საათზე პრეზიდენტის ადმინისტრაციაში გაიმართება. ცნობილია, რომ კონსულტაციებს საპარლამენტო უმრავლესობა არ დაესწრება .