ივანიშვილის პოლიტიკური დავალება დაუმორჩილებელი პრეზიდენტის წინააღმდეგ - ოპოზიცია პარლამენტის თავმჯდომარეს აკრიტიკებს

პოლიტიკა - 12:44, 09 Mar, 2017

4581

„მოძრაობა თავისუფლებისთვის-ევროპული საქართველოს“ წევრი ირაკლი აბესაძე პარლამენტის თავმჯდომარის განცხადებას ივანშვილისგან წამოსულ პოლიტიკურ დავალებად აფასებს და აცხადებს რომ ნორმალურ შემთხვევაში პარლამენტის თავმჯდომარე კრიტიკის ნაცვლად პრეზიდენტის ინიციატივას უნდა მისალმებოდა :

‘ნორმალურ შემთხვევაში საქართველოს პარლამენტის თავმჯდომარე უნდა მიესალმებოდეს პრეზიდენტის ასეთ ფართო ჩართულობას საკონსტიტუციო საკითხების გადაწყვეტაში. უნდა მიესალმებოდეს იმ ფართო დისკუსიას რომლის მასპინძლადაც ამ შემთხვევაში გვევლინება პრეზიდენტის ადმინისტრაცია. მაგრამ ამ შემთხვევაში მათ ამოძრავებთ არა სახელმწიფოებრივი მიზნები და საზოგადოების ინტერესები, არამედ ის პოლიტიკური დავალება და ნება რომელიც მომდინარეობს ივანიშვილისგან. ყველა სახელმწიფო შტო და თანამდებობის პირი ემოჩილებიოდეს მას. დაუმორჩილებელი პრეზიდენტის მხრიდან თუნდაც საკონსტიტუციო საკითხებზე მსჯელობა „ქათული ოცნებისთვის“ მიუღებელია.“- განაცხადა ირაკლი აბესაძემ.

შეგახსენებთ, პრეზიდენტის ინიციატივით ხვალ შეხვედრა იმართება, რომელზეც საქართველოს პრეზიდენტი იწვევს ადგილობრივი და საერთაშორისო ორგანიზაციების, პოლიტიკური პარტიების, დიპლომატიური კორპუსის წარმომადგენლებს, კონსტიტუციონალისტებს, საკონსტიტუციო კომისიის წევრებს, მედიის და საზოგადოების წარმომადგენლებს და მათ კონსტიტუციის საერთო სახალხო განხილვისა და შესაბამისი კამპანიის შესახებ საკუთარი ხედვა უნდა გააცნოს.