ნანა კაკაბაძის თქმით „ციანიდის საქმეზე“ პროკურატურა საკმაოდ თანმიმდევრულად მუშაობს. მისი განცხადებით პროკურატურის მიერ წარდგენილი მასალებით დასტურდება, ის ბრალი, რომელიც დეკანოზ მამალაძეს აქვს წარდგენილი, ანუ შორენა თეთრუაშვილის მკვლელობის მომზადება, თუმცა ნანა კაკაბაძე ბოლომდე არ გამორიცხავს იმ ვერსიასაც, რომ ასევე მზადდებოდა პატრიარქის მკვლელობა:

„ამ კადრების ნამდვილობა არის დადასტურებული, მასში გარდა იმისა, რასაც მამა გიორგი ირაკლი მამალაძეს ესაუბრება, ხშირად შედის კომპიუტერში და ინტერესდება, როგორ ხდება პატრიარქის არჩევა. აქედან გამომდინარე, აბსოლუტურად ნორმალურია რომ ეჭვი მიტანილი ყოფილიყო, რომ პატრიარქის სიცოცხლესაც ემუქრებოდა საფრთხე. იქ ერთი დეტალია მნიშვნელოვანი, რომ „შაქარზე არ რეაგირებსო“ , პატრიარქი შაქრიანი დიაბეტის გამო ვერ ღებულობს შაქარს.“- განაცხადა ნანა კაკაბაძემ მისი თქმით პროკურატურის მიერ წარდგენილ ბრალში პატრიარქი იმის გამო არაა ნახსენები, რომ მტკიცებულებებში კონკრეტულად შორენა თეთრუაშვილზეა ნათქვამი, პატრიარქზე საუბარი კი მინიშნებითაა.