საქართველოს ელჩი აშშ-ში სენატორების წინაშე სიტყვით წარსდგა

საქართველოს ელჩი აშშ-ში სენატორების წინაშე სიტყვით წარსდგა - რაზე ისაუბრა დავით ბაქრაძემ

პოლიტიკა - 13:13, 08 Mar, 2017

1869

აშშ სენატის ასიგნებების კომიტეტის სახელმწიფო დეპარტამენტის, საგარეო ოპერაციებისა და მასთან დაკავშირებული პროგრამების ქვეკომიტეტში სენატორების წინაშე სიტყვით საქართველოს ელჩი დავით ბაქრაძე წარსდგა. ელჩმა გამოსვლაში ყურადღება ოკუპირებულ ტერიტორიებზე არსებულ რთულ ვითარებაზე გაამახვილა და ევროინტეგრაციის გზაზე, საქართველოს მიერ მიღწეულ წარმატებებზე ისაუბრა.

„რუსთის მიერ საქართველოში შეჭრის და ჩვენი ტერიტორიების ოკუპაციის მუიხედავად, აშშ-ის მხარდაჭერით საქართველომ მოახერხა დემოკრატიული ინსტიტუტების გაძლიერება და ეკონომიკური განვითარება, ევროპული და ჩრდილოატლანტიკური კურსის გამყარება. კონფლიქტმა, რომელიც ადრეულ 90-იანებში დაიწყო პიკს 2008 წელს რუსეთის ძალების შემოჭრითა და ჩვენი ტერიტორიების ოკუპაციისას მიაღწია. საერთაშორისო საზოგადოება წარუმატებელი აღმოჩნდა ეფექტურად ეპასუხა საგანგაშო სიგნალებისთვის. რუსეთი აგრძელებს ტერიტორიების ოკუპაციას 10 ათასზე მეტი რუსული „ეფ-ეს-ბესა“ და სამხედრო მესაზღვრეებით. მათ არ აქვთ ლეგალური მანდატი და განაგრძობენ საერთაშორისო სამართლის ნორმების დარღვევას. 2008 წლის ცეცხლის შეწყვეტის შეთანხმების მიუხედავად, მოსკოვი ხელს აწერს ე.წ შეთანხმებებს ოკუპირებულ რეჟიმებთან. ეს დოკუმენტები კი ნაბიჯია საქართველოს ოკუპირებული რეგიონების ანექსიისკენ. გვჯერა, რომ აშშის ახალი ადმინისტრაცია გააგრძელებს საქართველოს ტერიტორიული მთლიანობისა და სუვერენიტეტის მხარდაჭერას და ჩართულობას, ასევე ორმხრივ ეკონომიკურ- სავაჭრო ურთიერთობას საქართველოსთან“- განაცხადა დავით ბაქრაძემ.