,,ეს იყო პარლამენტის თავმჯდომარის ანტი-ევროპული განაცხადი, რაზეც კითხვები წამოვა უცხოეთიდან“

,,ეს იყო პარლამენტის თავმჯდომარის ანტი-ევროპული განაცხადი, რაზეც კითხვები წამოვა უცხოეთიდან“ - მამუკა ჟღენტი კობახიძის განცხადებაზე

პოლიტიკა - 23:26, 07 Mar, 2017

4612

იმის თქმა, რომ მომჩივანი უპირისპირდება/ებრძვის სახელმწიფოს თუკი მიმართავს სტრასაბურგის სასამართლოს არის არც მეტი არც ნაკლები უნიჭო დემაგოგია - ასე გამოეხმაურა ევროსაბჭოში საქართველოს ყოფილი ელჩი, დიპლომატი მამუკა ჟღენტი ირაკლი კობახიძის მიერ ,,არჩევანის“ ეთერში გაკეთებულ იმ განცხადებას, რომ რუსთავი 2 სტრასბურგში საქართველოს უპირისპირდება.

,,საქართველომ მოახდინა ევროპული კონვენციის რატიფიცირება. მოახდინა იმიტომ, რომ ჩვენი მოქალაქეების და საქართველოში მყოფი ყველა ადამიანის უფლებები კიდევ უფრო უკეთ დაეცვა. მიუხედავად იმისა, ხელისუფლების რომელი შტო დაარღვევს ამ უფლებებსა და თავისუფლებებს, პასუხისმგებლობას იღებს სახელმწიფო. სწორედ ამიტომ ეწოდება სტრასბურგის სასამართლოში საქმეებს მომჩივანი და მჩივნეები სახელმწიფოს/სახელმეიფოთა წინააღმდეგ. მაგრამ იმის თქმა, რომ მომჩივანი უპირისპირდება/ებრძვის და ასე შემდეგ სახელმწიფოს თუკი მიმართავს სტრასაბურგის სასამართლოს და შესაბამისად, არის სახელმწიფოს მტერი, არის არც მეტი არც ნაკლები უნიჭო დემაგოგია, მითუმეტეს როდესაც ამას ამბობს იურისტი. ანუ ყველა, მათ შორის გირგვლიანის მშობლები სახელმწიფოს მტრები იყვნენ!!?? როდესაც ამას ამბობს პარლამენტის თავმჯდომარე, ეს არის სერიოზული ანტი-ევროპული განაცხადი, რომელიც ძირშივე ეწინააღმდეგება იმას, რისი აშენებაც გვინდა და დღემდე ვერ გვეღირსა. ვეჭვობ, ეს კიდევ ერთი თემაა, რაზეც წამოვა კითხვები უცხოეთიდან, საქართველოს რეალური პოზიციის დასაზუსტებლად - იყო ეს წამოცდომა, თუ გააზრებული მავნებლობა. სამწუხაროა, როდესაც არ გვესმის რა პასუხისმგებლობის მატარებლები ვართ, მითუმეტეს როდესაც ასეთ თანამდებობას იკავებ!“ - აცხადებს მამუკა ჟღენტი.