შეხვედრაში ჯერჯერობით ერთადერთი გოლი გიორგი დემეტრაძემ მეექვსე წუთზე დანიშნული პენალტის შედეგად გაიტანა. მიუხედავად იმისა, რომ ჯერჯერობით მხოლოდ ერთი გოლი გავიდა, საკმაოდ საინტერესოდ მიმდინარეობს შეხვედრა იქიდან გამომდინარე, რომ დღეს "დინამო არენაზე" ძალიან ბევრი ვარსკვლავი თამაშობს.

განსაკუთრებით აღსანიშნავია "მილანის" ყოფილი ლიდერის, პაოლო მალდინის კარგი თამაში. ასევე აქტიური იყო "მილანის" შემადგენლობიდან სერჟინიო და ანდრეი შევჩენკო. რაც შეეხება კალაძის მეგობრების გუნდს, აქ გამორჩეულები იყვნენ ლევან კობიაშვილი, შოთა არველაძე და გიორგი დემეტრაძე და სწორედ გიორგი დემეტრაძე არის ჯერჯერობით ერთადერთი გოლის ავტორი.

შეხვედრა რამდენიმე წუთიანი შესვენების შემდეგ განახლდება და მეორე ტაიმი გამორჩეული იქნება იმით, რომ მილანის შემადგენლობიდან კახი კალაძე გადაინაცვლებს მისი მეგობრების გუნდის რიგებში და მეორე ტაიმს სწორედ მათთან ერთად დაასრულებს.