ვიდეო, სადაც სჩანს, როგორ ერთობა აფხაზურ ქორწილში გიგა ოთხოზორიას მკვლელი (ვიდეო)

პოლიტიკა - 16:00, 07 Mar, 2017

12873

„ერთიანი ნაციონალური მოძრაობის“ წევრი ლევან თორია ვიდეო-მასალას ავრცელებს, სადაც მისი თქმით, ჩანს გიგა ოთხოზორიას მკვლელის რაშიდ კანჯი ოღლის ქორწილში გართობის ფრანგმენტები.

თორია აღნიშნავს, რომ ვიდეო ერთი კვირის წინ, აფხაზეთშია გადაღებული.
„ის ცინიზმი რაც დღეს აფხაზურ მხარეს აქვს ქართულ მხარესთან მიმართებაში უნდა შეწყდეს. გიგა ოთხოზორიას მკვლელმა პასუხი უნდა აგოს კანონის სრული სიმკაცრით“- აღნიშნავს ენმ-ს წევრი.
შეგახსენებთ, რომ ზუგდიდის რაიონულმა სასამართლომ გიგა ოთხოზორიას მკვლელობაში ბრალდებულ რაშიდ კანჯიოღლის 12 წლით თავისუფლების აღკვეთა მიუსაჯა.

გიგა ოთხოზორიას საქმის განხილვა ზუგდიდის სასამართლომ ოქტომბრის თვიდან დაიწყო. დაიკითხა 50-ზე მეტი მოწმე, მათ შორის მკვლელობის თვითმხილველები. ბრალდების მხარემ სცადა ტელეფონით დაკავშირებოდნენ მკვლელობაში კანჯი ოღლის, რომელმაც სატელეფონო ზარებს არ უპასუხა.

საქმეზე სასამართლო განხილვები ბრალდებულის გარეშე ტარდებოდა. მასზე ქართულ მხარეს ძებნა აქვს გამოცხადებული.

გალის რაიონიდან დევნილი გიგა ოთხოზორია 19 მაისს ხურჩა-ნაბაკევის ადმინისტრაციულ საზღვართან, საქართველოს კონტროლირებად ტერიტორიაზე, 31 წლის გიგა ოთხოზორია ვერაგულად მოკლეს.