,,სტრასბურგის გადაწყვეტილების შემდეგ მედიაომბუდსმენი ისე დაავიწყდებათ, როგორც 100 ქარხანა და უფასო ფული“

პოლიტიკა - 14:13, 07 Mar, 2017

3724

,,მოძრაობა თავისუფლებისთვის-ევროპული საქართველოს’’ წევრი ირმა ნადირაშვილი მედია ომბუდსმენის ინსტიტუტთან დაკავშირებით აცხადებს, რომ პრემიერის ინიციტივა არის უსუსური და ეს იმისთვის მოიფიქრა, რომ საერთაშორისო თანამეგობრობას აჩვენოს, რომ ჩვენს ქვეყანაში არ იზღუდება მედიის უფლებები.

,,ყველასთვის ცხადია, რომ პრემიერმინისტრმა ეს უსუსური სვლა მოიფიქრა იმისთვის, რომ აჩვენოს საერთაშორისო თანამეგობრობას, რომ ჩვენს ქვეყანაში არ იზღუდება მედიის უფლებები. ეს არ იყო წინასწარ მოფიქრებული ამბავი, ეს იყო უცებ, სპონტანურად გადადგმული ნაბიჯი, მაგრამ ევროპის სასამართლოს დ ასევე ყველა იმ ადამიანს, ვინც წუხს მედიის შეზრუდვის გამო საქართველოში წინ აქვთ ფაქტი, როდესაც ყოველგვარი დასაბუთების გარეშე უზენაესი სასამართლოს ცხრა მოსამართლემ ჩათვალა, რომ შეიძლება შეიცვალოს მფლობელი რუსთავი 2-ში. ეს არის ფაქტი და ახალი ინსტიტუტების შექმნით, რომელსაც თავად გააკონტროლებენ ვფიქრობ, რომ ამ შთაბეჭდილებას ვერ გაფანტავენ. ევროპის სასამართლოს გადაწყვეტილება თუ მალე იქნება გამოცხადებული, ალბათ ისევე მალე დაავიწყდებათ მედია ომბუდსმენის ინსტიტუტი, როგორც დაავიწყდათ 100 ქარხანა, უფასო ფული და კიდევ ბევრი სხვა’’,- აცხადებს ირმა ნადირაშვილი.